«Shyǵys Qazaqstan, Qyzylorda, Aqmola jáne Qostanaı oblystarynda joǵary reıtıng ekenin atap ótken jón. Soltústik Qazaqstan, Batys Qazaqstan, Atyraý oblystary men Shymkent qalasynda tómen kórsetkish. Ekonomıkany damytý úshin sany emes, sapasy mańyzdy. Mınıstrlik jobalardyń 3 sanaty boıynsha taldaý júrgizdi. I sanat –jekeshe áriptestiń ınvestısııalary men operasııalyq shyǵyndaryn bıýdjetten tolyq óteý. II sanat – ınvestısııalardy bıýdjet esebinen jáne naryqtan kórsetiletin qyzmetter esebinen ishinara óteý. III sanat – bıýdjetten qaıtarýsyz. О́teý kórsetiletin qyzmetter esebinen júrgiziledi. Osylaısha, bıýdjetten eń tómengi óteýdi talap etetin memlekettik-jekeshelik áriptestik jobalaryn damytý qajet dep sanaımyz. Bul bıýdjetke túsetin júktemeni alady jáne ınvestısııany kóp tartady», dedi mınıstr R.Dálenov.
Vedomstvo basshysynyń aıtýynsha, búginde jobalar pýly birkelki bólingen. Sonymen qatar, tolyq óteletin jobalar, ishinara óteletin jobalar da bar. Bul rette, 946 mlrd teńge ınvestısııa tartylǵan 372 joba boıynsha bıýdjetten óteýsiz jáne ishinara óteletin jobalar bar.
«Osylaısha, bıýdjetke eń az júkteme túsetin ınvestısııalar tartý úshin bıýdjetten óteýsiz (II-III sanat) nemese barynsha az óteletin jobalarǵa kóńil bólý qajet dep sanaımyz», dedi mınıstr.