«Konkýrstyq rásimderdi ótkizý satysynda 93 joba bar, 83 joba ázirleý satysynda. О́ńirler ambýlatorııalyq-emhanalyq qyzmet obektilerin salý jáne ony paıdalanýǵa berý boıynsha jobalardy iske asyrýda. Sondaı-aq medısınalyq tehnıkamen jaraqtandyrý boıynsha jobalar júzege asyp jatyr», dedi Densaýlyq saqtaý mınıstri.
Mınıstrdiń aıtýynsha, jasalǵan sharttar sheńberinde tartylǵan ınvestısııalar somasy boıynsha kósh basynda Shymkent, Nur-Sultan qalalarynyń ákimdigi men Aqtóbe, Pavlodar oblystarynyń ákimdikteri tur.
«О́ńirlerdiń ákimdikteri bekitken densaýlyq saqtaý ınfraqurylymyn damytýdyń perspektıvalyq josparlaryna sáıkes 2025 jylǵa deıingi ınvestısııalarǵa qajettilik 1,3 trln teńgeden astamdy qurady. Ambýlatorııalyq-emhanalyq jáne stasıonarlyq obektiler qurylysynyń jobalaryn iske asyrý úshin medısınalyq qyzmetter úshin tarıfti tóleýmen «servıstik MJÁ» modelin, sondaı-aq obektini memlekettik menshikke bergen jaǵdaıda ınvestısııalardy óteýmen kelisimsharttardy paıdalaný usynylady», dedi E.Birtanov.
Onyń aıtýynsha, jetkilikti qarajat mólsherin generasııalaýǵa qabiletsiz jobalar boıynsha memlekettik bıýdjettik qarjylandyrýdy paıdalaný qajet.
«Iri aýrýhanalar ınfraqurylymdyq MJÁ tetigi boıynsha iske asyrylatyn bolady. Jobalardy irikteý kezinde medısınalyq obektiler apatynyń aldyn alý, alǵashqy medısınalyq kómekti damytý jáne aýrýhanalyq sektordy kópbeıindi klasterlerge ıntegrasııalaýǵa basymdyq beriledi», dedi ol.
2019 jylǵy maýsymnyń sońyna deıin ózektendirilgen О́ńirlik damý josparlary negizinde 2026 jylǵa deıin Densaýlyq saqtaý ınfraqurylymyn damytýdyń biryńǵaı perspektıvalyq jospary bekitiletin bolady.