Bıylǵy plenarlyq otyrystarda «Jahan(syz)daný: álem damýdyń jańa úlgisin izdeýde», «Tutyný daǵdarysy», «Mass-medıanyń sıfrlyq shynaıylyǵy: synaqty qabyldaı alamyz ba?» «AI dáýiri: adamzattyń quldyraýy álde gúldenýi?», «Senim daǵdarysy. Kúshterdiń jahandyq bólinisi», «Blogerler: vırtýaldyq álemniń jańa rok-juldyzdary ma?», «Zańsyz-zańdy: marıhýana qoljetimdi!» taqyryptary talqyǵa túsedi.
Sondaı-aq jıyn barysynda «Ortalyq Azııadaǵy aımaqtyq ıntegrasııa» taqyrybynda dóńgelek ústel ótkiziledi. Onda Ortalyq Azııa elderiniń jańa birlestiginiń bolashaǵyna sarapshy kózqaras bildiriledi.
Uıymdastyrýshylar forýmǵa 19 elden sheteldik spıker, elimizdiń memleket qaıratkerleri men aıtýly sarapshylarynyń qatysýyn kútýde. Basqosýǵa AQSh, Kanada, Ulybrıtanııa, Avstralııa, Germanııa, Reseı, Grýzııa, Polsha, Ýkraına, Avstrııa, Qytaı, Estonııa, Slovenııa, Sent-Vınsent jáne Grenadın, Lıvan, Andorra, Naırobı, OAR, BAÁ ókilderi qatysady.
Bıylǵy spıkerler qatarynda eston saıasatkeri, Estonııanyń eks-prezıdenti (2006-2016 jj.) Hendrık Ilves (Estonııa), Ortalyq barlaý basqarmasynyń basshysy (1993-1995 jj), qýatty saqtaý boıynsha sarapshy, GenieEnergyLtd. strategııalyq keńesshisi, SivaPower, Inc. Dırektorlar keńesiniń múshesi Robert Djeıms Výlsı, kongressmen, Pensılvanııa okrýgy atynan respýblıkashyl (1987-2007 jj.) Ýeın KertısÝeldon (AQSh), Reseıdegi Facebook, Instagram jáne Messenger aımaqtyq dırektory Anna-Marııa Treneva (Reseı), fýtýrıst jáne «Máshıneler kóterilisi», «Zertteý avtorlary – jasandy aqyl-oıdy jasaýshylardyń shyndyǵy» kitaptarynyń avtory Martın Ford (AQSh), jýrnalıst, TASS bas dırektorynyń birinshi orynbasary Mıhaıl Gýsman (Reseı), jýrnalıst, «Gordon býlvary» gazetiniń bas redaktory, «GORDON» ınternet-basylymynyń negizin salýshy Dmıtrıı Gordon (Ýkraına), táýelsiz jýrnalıst jáne «IlvesInternational» bas dırektory AndresIlves (Ońtústik Afrıka), CGTN baǵdarlamasynyń avtory jáne júrgizýshisi Stıven Koýl (Ulybrıtanııa) bar.
Forým aıasynda medıa saladaǵy kásibı taqyryptar, atap aıtqanda, jýrnalıstıkanyń sıfrlyq dúınedegi keleshegi men blogjúıe yqpalynyń kúsheıýi sóz bolady.
Eýrazııalyq Medıa Forýmynyń (EAMF) basty maqsaty – Ortalyq Azııadaǵy jetekshi ári táýelsiz dıalog alańy retinde Qazaqstan, Eýrazııa jáne búkil halyqaralyq qaýymdastyqty tolǵandyratyn geosaıası, ekonomıkalyq, áleýmettik-mádenı damý máseleleri boıynsha saıasatkerler, jýrnalıster men sarapshylardyń pikirtalasyna jol ashý.
ALMATY