Týyndyda aýǵan soǵysynyń júrek jutqan batyry Borıs Kerimbaevtyń erligi men ǵumyr-dastany, buryn sońdy jarııa etilmegen estelikteri toptastyrylǵan. 177 jasaqqa basshylyq etken «qara maıor» jaıly jerlesimiz Jolaman Muhametjanovtyń aıtary mol.
«Kózi tirisinde esimi ańyzǵa aınalǵan azamatpen Almatydaǵy ardagerler gospıtalinde kezdesip, áńgimelerin tyńdaǵan edim. 8 aı boıy onyń batalony «qylyshtyń júzinde» júrse de, mojdahedterdiń qolbasshysy Ahmed shah Masýdqa qarsy qarsy erlikpen shaıqasa bilgen. Osy sebepti ony jaý jaǵy «Pansher patshasy» dep atap ketken», deıdi aýǵan soǵysynyń ardageri Jolaman Muhamedjanov.
Qazaqtyń oǵlan bahadury birneshe jekpe-jek túrlerin, soǵystyń shyrǵalaǵy mol taktıkalyq, strategııalyq ádis-tásilderin jetik meńgergen. Pansher shatqalyn biraıdyń ornyna 8 aı ustap turýy sondyqtan. Onyń jeńisine yzalanǵan mojdahedter B. Kerimbaevtyń «basyna» bir mıllıon dollar syıaqy tikken.
Jergilikti turǵyndarǵa meshitter men áleýmettik mańyzy bar ǵımarattar turǵyzyp berýimen de úlken qurmetke bólengen.
Derekti fılmdi qyzyqtaýǵa kelgender qatarynyń kóp bolýyna qaraǵanda «qara maıordyń» erlik isteri soltústikqazaqstandyq kórermenderdi de beı-jaı qaldyrmaǵan sekildi.