Al bul týraly Ortalyq saılaý komıssııasynyń múshesi Záýresh Baımoldına túsindirip ótti. Onyń aıtýynsha, 2019 jylǵy 6 mamyrdan Ortalyq saılaý komıssııasy 4 halyqaralyq uıymnan 45 baıqaýshyny akkredıttegen. Akkredıtteýge usynystardyń túsýine baılanysty ol málimetter óz ýaqytynda jańartylyp otyrady. Shet memleketter men halyqaralyq uıymdardyń baıqaýshylaryn akkredıtteýdi Ortalyq saılaý komıssııasy 2019 jylǵy 3 maýsym kúni 18.00-ge deıin júzege asyrady. 2019 jylǵy 8 mamyrda Syrtqy ister mınıstrliginiń Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosy mıssııasynan 22 uzaq merzimdi baıqaýshyny akkredıtteýge usynys túsken. Olardyń barlyǵy akkredıttelýge shyǵarylyp otyr. Osynyń bárin eskere otyryp bıylǵy 7 mamyrdan 13 mamyrǵa deıin usynylǵan baıqaýshylardy qamtıtyn halyqaralyq uıymnyń baıqaýshylaryn akkredıtteý jóninde Ortalyq saılaý komıssııasy «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsııalyq zańy 12-babynyń 1-tarmaqshasyna, 20-2-babyna sáıkes tıisti qaýly jobasyn daıyndady.
Z.Baımoldına sondaı-aq búgingi kúni Syrtqy ister mınıstrligine saılaýdy jarııa etý maqsatynda 25 sheteldik BAQ-tyń 66 ókili ótinish bergenin, olardyń 37-si akkredıttelgenin atap ótti. Jalpy alǵanda, Syrtqy ister mınıstrliginde turaqty nemese 28 sheteldik buqaralyq aqparat quralynyń 94 jýrnalısi akkredıttelipti. Al qazirgi ýaqytta 67 halyqaralyq baıqaýshy akkredıttelip úlgeripti.