“BARYS” BÁSEKEDEN ShYǴYP QALDY

О́tken jeksenbide Astanadaǵy “Qazaqstan” sport kesheni muz aıdy­nyn­da elordalyq “Barys” hokkeı klýby Qazannyń “Aq Barys” koman­da­symen kezdesken bolatyn. As­tana­lyqtar 3:1 esebimen jeńilip, Gagarın kýbogy jolyndaǵy básekelerin toq­tatýǵa májbúr boldy. Sóıtip, byl­tyrǵy jaǵdaı bıyl da qaıtalanyp, jerlesterimiz qazandyq hokkeıshiler aldynda taǵy da tize búkti. Iаǵnı, “Barys” ótken aptada syrt alańda “Aq Barystan” 4:3 jáne 4:2 esebimen eki márte utylǵan bolatyn. Pleı-off básekelerinde úsh márte jeńiske jet­ken komanda jarysty jalǵas­ty­rady. Sóz reti kelgende aıta ketsek, “Aq Barys” Gagarın kýbogynyń byl­tyrǵy jeńimpazy. Oıynnyń alǵashqy kezeńiniń 12 mınótinde alma-kezek shabýyldardan keıin qonaqtar esep ashty. Ekinshi ke­zeńde “Barys” shabýylshysy Roma­nov tarazy basyn teńestirip, úmit otyn úr­le­gendeı bolyp edi... Alaıda “Aq Ba­rys” sheshýshi kezeńde qatarynan qos shaı­ba soǵyp, jeńiske jetti. Osylaısha, pleı-off básekesiniń úshinshi oıyny da qazan­dyq­tardyń jeńisimen aıaq­tal­dy. Jalpy, “Barys” komandasy “Aq Ba­ryspen” kúni búginge deıin 12 kez­de­sý ótkizip, birde-bir márte jeńiske jete alǵan joq. Tatar tosqaýyly ázir­she bizge qıyndyq keltirip tur.