Jeksenbi kúni elordadaǵy “Astana – Arena” stadıonynda ótken matchta “Aqtóbe” fýtbol klýby Atyraýdyń “Atyraý” komandasyn 2:0 esebimen jeńip, elimiz sýperkýbogynyń ıegeri atandy. Jeńimpaz komandaǵa jeńis syılaǵan alǵashqy goldy oıynnyń 42 mınótinde Strýkov soqsa, 80 mınótte Averchenko esepti eseleı tústi. Sóıtip, “Aqtóbe” komandasy osymen ekinshi márte atalmysh júldege qol jetkizdi.
Sýperkýbokty Ulttyq fýtbol lıgasynyń basshysy S.Baıshaqov komanda kapıtany Samat Smaqovqa tabys etti. Osy tusta Qazaqstan Fýtbol federasııasynyń bekitken erejesine sáıkes, Qazaqstannyń Sýperkýbogyn premer-lıga komandalary arasynda chempıon atanǵan jáne Qazaqstan kýbogyn jeńip alǵan komandalar sarapqa salatyndyǵyn aıta ketken jón.
2008-2009 jylǵy maýsymda “Aqtóbe” 26 oıynda 65 upaı jınap, chempıon atanǵan-dy. Al byltyr “Atyraý” fınalda Qaraǵandynyń “Shahter” komandasyn jeńip, Qazaqstan kýbogyn jeńip alǵan edi.
Ábdirahman QYDYRBEK.