Kóp balaly otbasylar máselesi qalaı sheshilýde?

Nur-Sultan qalasy ákiminiń sheshimimen elorda turǵyndarynyń ómir sapasyn jaqsartý maqsatynda keshendi jospar ázirlengen. Onyń ishinde kommýnaldyq qyzmet tólem­derine kómek, múmkindigi shek­teýli jandardy alyp júretin adam­dar­dyń jolaqysyn tóleý, múm­kin­digi shekteýli balalarǵa kómek kórsetý, kóp balaly otbasylar bala­lary­nyń kolledjde tegin oqýy, turǵyn úı ser­tı­fıkattary, kóp balaly ot­ba­sy­larynyń mektep, kolledjde oqıtyn stýdentteriniń jolaqysyn tóleý, kóp balaly ot­ba­s­y­larynyń balalaryn mektepte tegin tamaqtandyrý, saýyqtyrý lager­lerine joldama berý, mektep for­masy men kanselıarııalyq taýar­larmen qamtamasyz etý, t.b. kómek túrleri bar.

Áleýmettik turǵydan az qam­tyl­ǵan jáne kóp balaly otbasylar­dy qoldaý úshin qosymsha 13 shara qolǵa alynyp, oǵan 6,5 mlrd teńge bólindi.

Bıyl Nur-Sultan qalasynda áleýmet­tik salaǵa bólingen qarjy somasy 150 mlrd teńgeni qurap otyr. 2019 jyldyń sáýi­rinen bastap qaladaǵy emhanalarda ár senbi saıyn kóp balaly otbasylardy qabyl­daý uıymdastyrylǵan. Múmkindigi shek­teýli balalardyń úılerine baryp kómek kórsetýge qarastyrylatyn qarjy 6,5 AEK-ten 10 AEK-ke (25250 teńge) deıin artty. Bul shara boıynsha 228 adamdy qamtý kózdelip otyr. Sonymen qatar bilim berý qorynan da áleýmettik kómek alýǵa bolady.

Jergilikti atqarýshy organ áleý­mettik az qamtylǵan otba­sy­lar­­dy jan-jaqty qoldaý úshin 30-dan astam tólem júrgizýdi qol­ǵa alǵan. Bul maqsatqa bólingen qar­jy – 12,2 mlrd teńge. Baspana máse­lesin sheshýge tólenetin tólem­der ortasha alǵanda 18%-ǵa art­ty, ol úshin taǵy 34 mln teńge bólin­gen. Kóp balaly 1300 otbasy mamyr aıynda qonys toıyn toılaıdy. 1300 bilim berý, densaýlyq saqtaý salasy men polısııa departamenti qyzmetkerleriniń baspana máse­lesin sheshýge 2 myń turǵyn úı sertıfıkatyn berý kózdelgen.

Jer­gilikti bıýdjet esebinen áleý­­mettik álsiz topqa qosymsha qol­­daý kórsetiletin bolady. Áleý­met­tik joba aıasynda aýtızmmen aýy­ra­­tyn balalarǵa arnaıy qyz­met kór­setý úshin bıýdjetten 40 mln teńge qaras­tyrylǵan. Qazirgi tań­da Nur-Sultan qalasynda 100-deı balaǵa osyndaı kómek kórsetiledi.

Jumyspen qamtý baǵdarlamasy aıasynda 2019 jyly 1,2 mlrd teń­ge bólindi. Sonyń nátıjesinde qoǵam­dyq jumysqa tartylatyn azamattar sany 500-den 1 myń adamǵa deıin artady. Qoǵamdyq jumy­s­tarmen qamtamasyz etilgen adam­dardyń jalaqysy 48 myńnan 84 myńǵa deıin kóbeıdi.

Maıgúl SULTAN,

«Egemen Qazaqstan»