Sharany tarıh ǵylymdarynyń doktory, professor Saǵymbaı Qozybaev júrgizip, Oljas Omarulynyń shyǵarmashylyǵyna qatysty mazmundy oılarymen kópshiliktiń nazaryn aýdardy.
Oljas Súleımenov týraly jazylǵan myna bir joldardy osy rette paıdalanýdy jón kórip otyrmyz. «Aqyn týyndylarynan qazaq halqy bastan ótkergen jarqyn jyldardyń qýanyshqa toly sátteri men qaıǵydan kóńili qalǵan uly ómiriniń betterin quraýǵa bolady. Qansha ǵasyrlar boıy úlesine tıgen kóptegen aýyr synaqtardy basynan ótkere otyryp, ózindik tól mádenıetin tolyq derlik alǵashqy qalypta saqtaı alǵan tań qalarlyq jáne biregeı qazaq eli taǵdyrynyń kýási bolady. Aqynnyń ózi «Bizdiń urpaq krıstaldaný ústinde. Halyq arasynda namys qozǵalysy júrip jatyr. Qorlyqta júrgenderde qýanysh uǵymy bolýy múmkin emes. Aqyndar halyqqa namys qozǵalysyna kúsh-qýat jetkizip turýǵa mindetti». Oljas - aqyn, oıshyl, ǵalym, saıasatker. Oljas saıası, áleýmettik jáne mádenı ortada belgili bir poezııaǵa ıe aqynnyń tek o basta ózine arnap berilgen múmkindikterdi paıdalana otyryp qana áreket etýi qajet ekendigin jaqsy túsindi. Onyń qarýy - sóz. Ol ádebıetke erekshe daýyspen endi».
Is-sharany Ulttyq kitaphananyń dırektory Baqytjamal Ospanova quttyqtaý sózben ashyp, kitaphana ujymy atynan Oljas aqynǵa arnaıy syılyq tabystady.
Al óz ómiri men shyǵarmashylyǵy jaıynda baıandap, jańa óleńderin oqyrmandaryna pash etken Oljas Súleımenov poezııa keshine jınalǵan oqyrmandarynyń suraqtaryna jaýap berip, kitaptaryna qoltańbasyn qaldyryp, estelik sýretke tústi.
Aqynnyń shyǵarmashylyq keshine Safar Abdýllo, Baqytjan Qanapııanov, Ǵalymqaıyr Mutanov, Ermek Tursynov, t.b zııaly qaýym ókilderi men qoǵam qaıratkerleri qatysyp, izgi-tilekterin bildirdi.
Oqyrmandar Ulttyq kitaphana qorynan Oljas Súleımenovtiń ómiri men shyǵarmashylyǵyna arnalǵan kitap kórmesin, sondaı-aq «Igra» teatrynyń akterlik mektep oqýshylarynyń aqyn óleńderinen arnaıy sahnalyq qoıylymyn tamashalady.