«Saýyǵýdyń birden-bir sharty – saýyqsam eken dep tileý»

«Saýyǵýdyń birden-bir sharty – saýyqsam eken dep tileý»

Juma, 1 naýryz 2013 7:13

Naýqas adamnyń aq halatty jannyń aldyna barǵan kezdegi kóńil-kúıi belgili ǵoı. Tamyryn ustap otyrǵan dáriger bilikti, tájirıbeli, saýatty bolsa eken, syrqatymdy dál tapsa eken dep oılaıdy. Negizi naýqas adam dárigerdiń aıtqanyna ımandaı senedi. Sodan bolar, jyly sóz dámetedi. Dárigerdiń «Qorqatyndaı dáneńe joq, biraz em alyp, ózińizge kútim jasasańyz, dertińizden qulan-taza aıyǵyp ketesiz» degen jyly sóziniń ózi jarty em. Sondyqtan naýqastar úshin eń qajettisi – dárigerdiń saýattylyǵy, adaldyǵy, meıirbandyǵy.

 

Juma, 1 naýryz 2013 7:13

Naýqas adamnyń aq halatty jannyń aldyna barǵan kezdegi kóńil-kúıi belgili ǵoı. Tamyryn ustap otyrǵan dáriger bilikti, tájirıbeli, saýatty bolsa eken, syrqatymdy dál tapsa eken dep oılaıdy. Negizi naýqas adam dárigerdiń aıtqanyna ımandaı senedi. Sodan bolar, jyly sóz dámetedi. Dárigerdiń «Qorqatyndaı dáneńe joq, biraz em alyp, ózińizge kútim jasasańyz, dertińizden qulan-taza aıyǵyp ketesiz» degen jyly sóziniń ózi jarty em. Sondyqtan naýqastar úshin eń qajettisi – dárigerdiń saýattylyǵy, adaldyǵy, meıirbandyǵy.

Adam balasynyń baqytty bolýynyń onnan toǵyzy den­saýlyǵyna baılanysty eken. О́tken jyly Ońtústik Qazaqstan oblysynyń 303 dá­rigeri men 223 orta býyn meıirbıkesi qaıta daıarlyqtan ótipti. 2844 dáriger men 4863 meıirbıke bilimin joǵarylatty. Olardyń úshten biri halyqaralyq deńgeıdegi bilimdi meńgergen.

Al 2012 jyly medı­sı­na­lyq uıymdardyń me­dı­sınalyq qural-jab­dyq­tarmen jaraqtalýy 56,2 paıyzǵa deıin artty. Oblysta júrgizilgen jańa qurylystardyń 94,0 paıyzyn bastapqy medı­sı­na­lyq-sanıtarlyq kómek kór­setý salasy qurady. Jer­gi­likti bıýdjet esebinen sáý­leli dıagnostıka máse­le­leri she­­shildi. Oblys or­talyǵynda zerthanalyq-dıa­gnostıkalyq qyzmet tolyq kólemde jab­dyq­taldy. Tur­ǵyndardyń ómir súrý uzaqtyǵy 69,86 jasqa jetti. Eldi qatty alańdatyp otyrǵan qan aınalymy júıesiniń aýrýlarynan ólim-jitim kórsetkishteri halyqtyń 100 myń adamǵa shaqqanda 168,6-dan 124,4-ke deıin nemese 26,2 paıyz­ǵa tómendedi. Júrek qan aı­nalymy aýrýlary aýrý­shańdyǵy men ólimin azaıtýda mamandardyń biliktiligin arttyrý jumysy asa mańyzdy. Bul baǵytta 41 dáriger biliktiligin joǵarylatty.

Mine, Ońtústiktiń den­saý­lyq saqtaý salasynyń mamanda­ry zamanǵa saı beıimdelýde. Áıtse de, bizdiń qoǵamda dertke shaldyqqansha densaýlyqtyń qadirin bilmeıtinderdiń sa­ny áli de moldaý ekenin moıyn­daý kerek. Jaqynda ǵana Par­lament qabyrǵasynda esep bergen Densaýlyq saqtaý mı­nıs­tri Salıdat Qaıyrbekova al­daǵy ýaqytta aýyldardy tis dárigerleriniń aralaıtynyn jet­kizdi. О́z basym mınıstrdiń osy usynysyn tolyq qoldaımyn. Shynynda aýdan ortalyǵynda, bolmasa, aýyldarda tis emdeý oryndary múldem joq. Sol eldi mekenderde tisi aýyrsa elemeı, ári ketkende halyqtyq em-dommen emdep, aqyrynda búkil tisi túsip qalǵan qanshama jandar júr deseńizshi… «Saýyǵýdyń birden-bir sharty – saýyqsam eken dep tileý» degen eken bir oıshyl. Sol aıtpaqshy, memleket medısınaǵa qan­shama jaqsylyqty úıip-tókse de halyqtyń óz yntasy, densaýlyǵyna degen ja­nashyrlyǵy, jaýap­kershiligi bolmasa, bul sala­nyń tirligi ońǵa basýy qıyn. Bul iste tek dáriger ǵana emes, halyq ta saýatty bolýy kerek.

Jazıra TО́LEPBEKOVA,

Shymkent medısına kolledjiniń oqytýshysy.

Ońtústik Qazaqstan oblysy.