Túrkistan oblysynyń ákimi О́mirzaq Shókeevtiń qatysýymen ótken apparat májilisinde oblystyq qurylys basqarmasy basshysynyń orynbasary E.Ahmetov óz baıandamasynda osyndaı málimetterdi keltirdi. Qazirgi tańda kóptegen nysandarda qurylys jumystary eki aýysymmen júrgizilýde. Al Túrkistan qalasyn damytý boıynsha baıandaǵan qala ákimi Álipbek О́serbaev oblys ákiminiń tapsyrmasyna sáıkes, tıisti sharalar qolǵa alynyp, júıeli túrde jumystardyń atqarylyp jatqanyn málimdedi.
- Jalpy, memleket muqtajy úshin alynatyn nysan sany 1035-ten búgingi tańda 1148-ge ulǵaıdy. Onyń ishinde 716 turǵyn úı, 206 kásipkerlik jáne 226 aýylsharýashylyq maqsatyndaǵy jerler. Odan baǵalaý jumystary júrgizilgeni 611-den 702-ge artty. Sonyń ishinde ótken aptada 303 nysan bosatylsa, qazirgi tańda 348-ge jetti. Jalpy qala boıynsha 39 kóshege jáne skverlermen alleıalarǵa 74 myń sharshy metr kópjyldyq jáne bir jyldyq gúlder, 118,5 myń sharshy metr gazon, 59 myń dana dekorotıvti qylqan japyraqty aǵash, 19,1 myń dana butaly aǵash jáne kóptegen vertıkaldy kógaldandyrý elementteri josparlanǵan. Jańadan 12,3 shaqyrym kanal - aryqsha salyndy, 11,2 shaqyrym kanal - aryqshalar qalpyna keltirildi. Sonymen qatar, osy kanal - aryqshalar boıynan 12,3 shaqyrym velojol jáne 7,5 shaqyrym aıaqjol salynatyn bolady», – dedi qala ákimi Á. О́serbaev.
Baıandamadan soń oblys ákimi kúzge deıin qurylys jumystaryn qarqyndatyp, qaladaǵy súriletin nysandardyń ıelerimen túsindirme sharalaryn jyldamdatýdy, velojol jáne aıaqjol salý jumystaryn tezirek bastaýdy tapsyrdy. Turǵyn úı kezegin bólýdi durys qadaǵalaýdy júktedi.
Túrkistan oblysy