Qyzylorda oblysy ákimdiginde óńirdegi jappaı kásipkerlikti damytý qorytyndysy boıynsha májilis ótti. Qyzylorda qalasy men aýdan ákimderi atqarylǵan jumystar týraly baıandady.
Máselen, Qarmaqshy aýdanynda "Bıznestiń jol kartasy-2020" baǵdarlamasy aıasynda 12 jobany iske asyrý úshin nesıe berilip, taǵy 6 joba ekinshi deńgeıli bankterdiń qaraýynda, al 5 joba súıemeldeýge alynǵan. Al Shıeli aýdanynda "Qarapaıym zattar ekonomıkasy" baǵdarlamasyn júzege asyrý aıasynda 26 joba usynylyp otyr. Sonymen qatar, aǵymdaǵy jyly ınnovasııalyq bıznes-ıdeıalardy iske asyrýǵa 200 jas kásipker, 200 kópbalaly otbasy jáne 100 jumyssyzǵa memlekettik granttar bólý josparlanýda.
Jıynda oblys ákimi Q.Kósherbaev "Bizdiń basty maqsatymyz – jalpy óńirlik ónimdegi shaǵyn jáne orta bıznestiń úlesin 14,4 paıyzdan 2020 jylǵa qaraı 20 paıyzǵa deıin ulǵaıtý bolyp tabylady»,-dedi. Sol úshin shaǵyn jáne orta bıznes salasyna ınvestısııa tartyp, jańa kásiporyndar ashyp, eksporttyń úlesin arttyrý qajettigin atap ótti.
«О́tken jyldyń sáıkes kezeńimen salystyrǵanda shaǵyn jáne orta bıznestiń úlesi 14,4 paıyzdy qurady. Jyl basynan beri shaǵyn jáne orta bıznes sýbektileriniń sany 1741 birlikke artty. Bul rette 93 myńnan astam oblys turǵyny nemese óńirdiń ekonomıkalyq belsendi jumyspen qamtylǵan halqynyń úshten biri osy salada jumysqa ornalastyryldy.
Jyl qorytyndysy boıynsha shaǵyn jáne orta bızneste jumysqa ornalasqandardyń sany 95 000 adamǵa deıin jetýi tıis», - dedi aımaq basshysy.
Qyzylorda oblysy