Forýmda sóz alǵan oblys ákimi Qyrymbek Kósherbaev respýblıkada kásipker áıelderdiń úlesi elý paıyzǵa jetkendigin aıtty.
– Buǵan, árıne, memlekettiń kásipkerlikti damytýdaǵy jan-jaqty qoldaýlary, ıaǵnı memlekettik, úkimettik jáne óńirlik baǵdarlamalardyń, sondaı-aq qarjy ınstıtýttary men «Damý» qorynyń túrli baǵdarlamalary óz septigin tıgizýde. Onyń ishinde, 5 mlrd teńge memlekettik baǵdarlamalar aıasynda qarjylaı emes qoldaýǵa, qaıtarymsyz granttar berýge jáne shaǵyn nesıelermen qamtamasyz etýge baǵyttalýda. Aıta ketý qajet, biz jyl basynan beri «Eńbek» memlekettik baǵdarlamasynyń qarajatyn kútpeı-aq, «Qyzylorda» О́ńirlik ınvestısııalyq ortalyǵy arqyly mıkrokredıtter berý úshin oblystyq bıýdjetten 500 mln teńge bóldik. Qazirdiń ózinde ortalyqpen jalpy quny 522 mln teńgeni quraıtyn 106 joba qarjylandyrý úshin maquldandy. Onyń ishinde, áıelderdiń úlesine jalpy quny 112 mln teńgeni quraıtyn 26 joba tıesili, - dedi aımaq basshysy.
Oblys ákimi bıylǵy jyly aýyl jastary men kóp balaly analardyń bıznes-jobalaryna basymdyq berilgenin atap ótti.
«Jobalardy qarjylandyrý boıynsha qoldaý ǵana emes, ákimshilik kedergilerdi azaıtý boıynsha jumystar da jalǵasýda. Nátıjesinde kásipkerlikte jumyspen qamtylǵandardyń úlesi 22-den 26%-ke deıin artty. Al shaǵyn jáne orta bıznes salasynda 93 myńnan astam oblys turǵyny jumys isteıdi», – dedi ol.
Forým barysynda isker áıelder óz bıznesindegi tabysqa jetý joldarymen bólisti. Kásipker bolý ońaı emes. Ol naryqtyń elge kerekti tustaryn tap basýmen qatar alǵan baǵytynan aınymaıtyn tabandylyqty qajet etedi. Jıynda isker áıelder tarapynan aıtylǵan usynys-pikirler tyńdaldy. Ozattar marapattaldy.
Qyzylorda oblysy