Katardyń juldyzy Nasser Saleh ál-Attııa (Nasser Al Attiya Team) osy kezeńde birden aǵaryp alǵa shyqty da, jarys aıaqtalǵanǵa deıin eshkimge des bermedi. Esesine ekinshi oryn úshin talas óte shıelenisti ótip, nátıjesinde Bernhard Ten Brınkeniń (Overdrive Racing) baǵy jandy. Al Qazaqstannyń myqtylary – Andreı Cherednıkov pen Ignat Falkov máre syzyǵyn segizinshi bolyp qıyp ótti. Eki kúnniń qorytyndysy boıynsha jerlesterimiz ázirge toǵyzynshy orynǵa turaqtady.
Jol talǵamaıtyn kólikterdiń T2 básekesinde qazaqstandyq «Aktau Motorsport» komandasynyń múshesi, «Jibek Joly 2017» jarysynyń jeńimpazy Kırıll Chernenkov ekinshi kezeńde aldyna jan salmady. Onyń ýaqyty – 5 saǵat 29 mınýt 7 sekýnd. Alǵashqy kúni jeńimpaz atanǵan Katardyń taǵy bir ókili Muhhamed ál-Mıır (Mohhamed Nasser Almeer) osy joly jerlesimizden baqandaı 16 mınýt qalyp qoıyp, ekinshi oryndy qanaǵat tutty.
T3 kólikteri dodasynda Brazılııadan kelgen Reınaldo Vareleniń (MONSTER Energy San-Am) baǵy jandy. Júk kólikteri saıysynda «KamAZ-master» komandasynyń betkeustary Dmıtrıı Sotnıkovqa taǵy da teń keler eshkim tabylmady. Onyń ekıpajy belgilengen qashyqtyqty 4 saǵat 17 mınýt 52 sekýndta júrip ótti.
«Rallı Qazaqstan 2019» dodasynyń kelesi kezeńindegi qashyqtyǵy 450 shaqyrymdy quraıdy. Onyń 327-si túrli kedergilerge toly arnaıy ýchastkiler.