Aıdos Sarym: Pikirtalastardyń kóp bolǵany jón

Prezıdenttikten úmit­ker­lerdiń teledebatynda meni qýantqan birneshe erekshelik bar. Sonyń birinshisi – tele­debattyń basym kópshiligi memlekettik tilde ótti. Bul qazaq saılaýshylarynyń bel­sendiliginiń artqanyn jáne qazaq tiliniń róli joǵarylap kele jatqanyn kórsetedi. 

Debatqa qatysqan kan­dıdat­­­tardyń ishinde kózge túsken 3-4 adamdy erekshe atap ótýge bolady. Maǵan, ásirese, Álı Bektaevtyń sózderi nanymdy bolyp kórindi. Ol kóp taqyrypqa barǵan joq. О́ziniń ustanymynda turaq­ty bolyp qaldy. Tek qana aýyl sharýashylyǵyna qa­tysty máselelerdi kóte­rip, qarsylastarynyń suraqtaryna belsendi jaýap bere aldy. Sondaı-aq Máýlen Áshimbaevtyń sóıleý sheberligi unady. Onyń bul debatqa ábden daıyndalǵany kórinip turdy. 

Ámirjan Qosanov óziniń múmkindigin barynsha paıda­lanýǵa tyrysty. Alaıda, onyń sózderi men kútkendeı jalyndy ári belsendi bolmady. Shynyn aıtý kerek, osy dodada kóńilden shyqpaıtyn tustar kezdesti. Kommýnıster men kásipodaqtardyń atynan túsken eki kandıdattyń sózderinde birizdilik baı­qalmady. Árıne, shekteýli ýaqyt ishinde úlken taqy­rypty alyp shyǵý qıyn ekeni belgili. Sondyqtan mundaı debattardyń barynsha kóp bolǵany durys. Muny qoǵamnyń saıası mádenıetin jańa úrdisterge bastaıtyn jaqsy dúnıe dep esepteımin. 

Aıdos SARYM,

saıasattanýshy