«Bilim-2030: bilim men daǵdy bolashaǵy» jobasy aıasynda jahandyq bilim berýdegi negizgi uǵymdarǵa arnalǵan beınerolıkter toptamasy jasaldy. Qazaqstan Zııatkerlik mektepter pedagogtary men oqýshylary arqyly tanystyrylǵan.
«Bilim-2030» tujyrymdamasynda Qyzylorda qalasyndaǵy Zııatkerlik mektep oqýshysy Nuraı Bektaı bolashaqtyń arhıtektýrasy týraly paıymyn aıtsa, óskemendik zııatker Janasyl Baqyt sý tasqyny kezinde adamdardy robototehnıka kómegimen qutqarý máselesin kóterdi.
Shymkenttik muǵalim Nodır Rosýlov (FMB) pen О́skemennen Dınara О́nerkan óz baıandaýyn sıfrlyq saýattylyq taqyrybyna arnapty. Petropavldaǵy Zııatkerlik mekteptiń sheteldik muǵalimi Katarına Výlf jahandyq quzirettilikti jaratylystaný ǵylymdary arqyly qalaı engizýge bolatynyn kórsetti.
Ekonomıkalyq yntymaqtastyq jáne damý uıymy – ǵalamdyq máselelerdi sheshetin bedeldi forým. 2016 jyly «Nazarbaev Zııatkerlik mektepteri» derbes bilim berý uıymy EYDU «Bilim-2030: bilim men daǵdy bolashaǵy» jobasynyń ulttyq úılestirýshisi boldy.
Jyl saıyn NIS pen EYDU yntymaqtastyq aıasy keńeıýde. 2019 jyldyń 24-25 qazanynda Nur-Sultan qalasynda ótetin NIS «Mektepterdi ózgertetin muǵalimder» XI halyqaralyq konferensııasynda EYDU ókilderi TALIS bıylǵy zertteýiniń nátıjelerin usynady. Uıym ókilderi men olardyń baıandamalary qazaqstandyq pedagogtardyń qyzyǵýshylyǵyna ıe. EYDU Bilim departamenti Erte balalyq shaq pen mektepter bóliminiń jetekshisi jáne PISA jáne TALIS keńkólemdi zertteýler úılestirýshisi Iýrı Belfalı 2017 jylǵy konferensııanyń basty spıkeri boldy.
Keleshek biliminiń negizgi tujyrymdamasymen tanysyp, NZM muǵalimderi men oqýshylary qatysqan beınrolıkterdi EYDU saıtynan kórýge bolady.