Bıylǵy jyl – babalar amanattap ketken qazaq jáne ózbek birligin búgingi urpaqtyń saqtap, tereńdete túsýine jáne eki jaqty yntymaqtastyqty nyǵaıtýǵa baǵyttalǵan Qazaqstan Respýblıkasynyń О́zbekstandaǵy mádenı jyly resmı túrde ashylyp, bekitilgeni belgili. Osyǵan oraı kórshi ózbek elinde qazaq halqynyń mádenıeti men ónerin nasıhattaý barysynda birqatar ıgi jumystar qolǵa alynǵan bolatyn. Belgilengen ıgi sharalardyń sherýi teatrdan bastaý aldy.
Mádenı jyldyń aıasynda ózbektiń Ulttyq akademııalyq drama teatrynda Muhtar Áýezovtiń shyǵarmasy negizinde Marat Azımovtyń rejısserligimen sahnalanǵan «Abaı» spektakliniń premerasy bolyp ótti. Spektakldiń sýretshisi – Bahtıer Týraev. Áıgili qazaq aqyny Abaıdyń qarama-qaıshylyqtarǵa toly ómiri negiz etip alynǵan bul spektakl oqıǵalary sahnada ózine tán rejısserlik jáne arnaıy zamanaýı tehnıkalyq tásildermen baıytylǵan.
Abaı rólin О́zbekstannyń halyq ártisi Iаqýb Ahmedov oryndaǵan. О́zbek basylymdarynyń aqparatyna súıensek, Ulttyq akademııalyq drama teatrynyń repertýary taǵy bir jaqsy spektaklmen tolyqqan.