Mazmundy áńgime barysynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń ózekti máseleleri talqylandy.
Aldaǵy eki jaqty is-sharalar kestesine, birinshi kezekte, Belarýs Respýblıkasynyń Prezıdenti Aleksandr Lýkashenkonyń Qazaqstanǵa saparyna erekshe nazar aýdaryldy.
Ekonomıkalyq dıplomatııanyń rólin eskere otyryp, taraptar eki eldiń syrtqy saıası vedomstvolarynyń jumysynda syrtqy ister mınıstrlikteri jáne sheteldik mekemelerdiń eksportty jyljytý jónindegi qyzmeti bóliginde tájirıbemen almasty.
Qazaqstan TMD sheńberindegi Belarýstiń negizgi saýda seriktesteriniń úshtigine kiredi. 2018 jyldyń qorytyndysy boıynsha Qazaqstan jáne Belarýs arasyndaǵy taýar aınalymy 680,7 mln. AQSh dollaryn qurap, 2017 jylmen salystyrǵanda 7,6%-ǵa artty. Eksport kólemi 87,5 mln. AQSh dollaryn qurady.