Serik Bekbosynovtyń aıtýynsha, bul ýchaskide Qyrǵyzstan men Reseıden kelgen baqylaýshylar saılaý barysyn baqylyp otyr. Munda múmkindigi shekteýli azamattar úshin barlyq jaǵdaı jasalypty. Kózi nashar kóretinder úshin arnaıy lýpa, al júre almaıtyndar úshin daýys berý kabınasyna deıin alyp baratyn qol arbalar jetkizilgen.
Qyrǵyzstandyq baqylaýshy Shynar Alybaeva bizge bergen suhbatynda tańerteń saǵat 8-de, esik ashylysymen adamdar kelip daýys bere bastaǵanyn aıtty.
Búgin Almatyda jolaýshylardy tasymaldaıtyn qoǵamdyq kólikte tegin qyzmet kórsetilýde. Barlyq baǵyttaǵy kólikterdiń qyzmeti jeksenbilik jospar boıynsha uıymdastyrylǵan. Aldyn ala júrgizilgen esep boıynsha, bul kúni 700 000 myń adamǵa tegin qyzmet kórsetiledi.
Jolaýshylardy tasymaldaıtyn kásiporyndar qaýymdastyǵynyń tóraǵasy Dana Ahatova bul sheshim almatylyqtardyń saıası naýqanda qalys qalmaýyna áser etedi dep otyr.