Bul kúnderi Gollandııanyń Hertogenbos qalasynda sadaq atýdan lısenzııalyq álem chempıonaty ótip jatyr. Aıtýly jarysta Qazakstannyń 12 sportshysy baq synaýda.
Klassıkalyq úlgidegi sadaqpen atý saıysynda Qazaqstannyń erler komandasy 1/8 fınalǵa joldama aldy. Endi olar AQSh quramasymen sheberlik baıqasady. Bastapqy básekelerde kıprlyq Mımıs El Helalı men úndistandyq Dasa Atanýdan basym túsken Denıs Gankın kelesi kezeńde fransııalyq Per Plıhonmen kezdesedi. Úshinshi aınalymǵa Sanjar Musaev ta esh qınalmaı jetti. Ol ózbekstandyq Zokırjon Gafýrov pen ýkraınalyq Iýrıı Havelkony jolynan yǵystyrdy. Endi qandasymyz Ońtústik Koreıanyń ókili Lı Sıýndjýnmen saıysqa túsedi.
Osy álem chempıonatynda alǵashqy segiz oryndy ıelengen komandalar jáne jekelgen básekelerde ozyq tórttikten kóringen sergender kelesi jyly Tokıoda alaýy tutanatyn Olımpııa oıyndarynda kúsh synasý qurmetine ıe bolady.