Qazaqstan Respýblıkasy Prezıdentiniń Jarlyǵymen Kúlásh Noǵataıqyzy Shámshıdınova basqa jumysqa aýysýyna baılanysty QR Bilim jáne ǵylym mınıstri laýazymynan bosatyldy.
Asqar Mamın K. Shámshıdınovaǵa jemisti jumysy úshin alǵys bildirip, jańa orynda sáttilik tiledi.
«Kúlásh Noǵataıqyzy - tájirıbesi mol basshy. Mınıstr qyzmetinde qarqyndy jumys istep, elimizdiń bilim berý salanyń damýyna eleýli úles qosty», — dedi QR Premer-Mınıstri.
QR Úkimetiniń basshysy QR Bilim jáne ǵylym mınıstrliginiń ujymyna jańa mınıstrdi tanystyrdy. A. Mamın Ashat Aımaǵambetovtyń bilim berý salasynda tıisti bilimi men úlken tájirıbesi bar ekenin atap ótti. Ashat Aımaǵambetov túrli jyldary Qaraǵandy oblysynyń Bilim basqarmasynyń basshysy, Bilim jáne ǵylym vıse-mınıstri qyzmetterin atqardy, Qaraǵandy oblysy ákiminiń orynbasary boldy.
Premer-Mınıstr Bilim jáne ǵylym mınıstrliginiń aldynda zor mindetter turǵanyn aıtty. Bul – mektepke deıingi, orta, kásiptik-tehnıkalyq jáne joǵary bilimdi jańǵyrtý, suranysqa ıe zamanaýı mamandar daıarlaý, bilim jáne ǵylymnyń sapaly júıesin damytý.