Búgin Májilistiń Ekonomıkalyq reforma jáne óńirlik damý komıtetiniń otyrysy ótip, depýtattar Saýda jáne ıntegrasııa mınıstri laýazymyna taǵaıyndaý úshin Baqyt Sultanovtyń kandıdatýrasyn kelisti. Bul týraly Parlament Májilisiniń bapasóz qyzmeti habarlady.
Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsııalyq zańynyń 22-1-babyna sáıkes Komıtet otyrysynda qaraldy.
Premer-Mınıstrdiń tapsyrmasy boıynsha kandıdatty Premer-Mınıstr Keńsesiniń Basshysy Ǵalymjan Qoıshybaev tanystyryp, Baqyt Sultanovtyń mol tájirıbesi men qajetti basqarý qabiletterine ıe ekenin atap ótti.
Talqylaýlardan keıin Qazaqstan Respýblıkasynyń Saýda jáne ıntegrasııa mınıstri laýazymyna taǵaıyndaý úshin usynylǵan Baqyt Turlyhanuly Sultanovtyń kandıdatýrasy kelisilip, Komıtettiń qorytyndysy qabyldandy.