Memleket basshysy Qasym-Jomart Toqaevtyń Jarlyǵymen Ulytaý oblysy qurylǵannan bastap Jezqazǵan qalasynda áleýmettik-ekonomıkalyq damý kórsetkishterinde alǵa ilgerleýshilik baıqaldy. Sonyń ishinde qala bıýdjetiniń kólemi men ınvestısııa tartý deńgeıi aıtarlyqtaı ósti. О́tken jyly Jezqazǵan qalasynyń menshikti kiristeri úsh esege artyp, 36,9 mlrd teńgege jetti. Jalpy qala bıýdjeti eki esege ósip, 57,1 mlrd teńgeni qurady, dep jazady Egemen.kz.
Oblys qurylǵannan beri oblystyq bıýdjetten qala bıýdjetine bólinetin damý transfertteri 6,5 esege artyp, 5,7 mlrd teńgege, respýblıkalyq deńgeıden 1,7 esege ósip 9,6 mlrd teńgege deıin jetkizildi. Bul qarjy qalanyń ınfraqurylymyn jańǵyrtýǵa jáne mańyzdy áleýmettik-ekonomıkalyq jobalardy iske asyrýǵa baǵyttaldy.
Investısııa − óńir ekonomıkasynyń turaqty jáne sapaly ósýiniń negizgi qozǵaýshy kúshi. Ulytaý oblysynyń ekonomıkasyna 207,3 mlrd teńge ınvestısııa tartyldy. Onyń 68 mlrd teńgesi Jezqazǵan qalasyna tıesili. Osylaısha, qalanyń oblys kólemindegi ınvestısııalyq úlesi 32,8 paıyzdy qurady. О́ńir ekonomıkasyn ártaraptandyrý aıasynda jalpy quny 34 mlrd teńge bolatyn toǵyz ınvestısııalyq joba iske qosylsa, sonyń beseýi Jezqazǵan qalasynda júzege asyryldy.
Ulytaý oblysynda eskek esý mektebi ashyldy
Qazirgi tańda Jezqazǵan qalasynda munaı bazasy, jel elektr stansııasy, respırator shyǵaratyn zaýyt, geologııalyq klaster men qonaq úı kesheniniń qurylysy aıaqtaldy. Sonymen qatar asfaltbeton zaýytyn salý jobasy iske asyrylyp jatyr.
Aldaǵy kezeńge de aýqymdy josparlar bar. 2028 jylǵa deıin jalpy quny 920 mlrd teńgeni quraıtyn 25 ınvestısııalyq jobany iske asyrý kózdelip otyr. Jezqazǵan qalasy boıynsha 174,7 mlrd teńge, 11 ınvestısııalyq joba bar. Bul jobalar eki myńnan astam jańa jumys ornyn ashýǵa múmkindik beredi.
О́ńirdi óz ónimderimen qamtamasyz etý maqsatynda Jezqazǵanda jumyrtqa baǵytyndaǵy qus fabrıkasy iske qosyldy. Qazirgi tańda jalpy quny 3,4 mlrd teńgeni quraıtyn bes joba qolǵa alynǵan. Jobalar qatarynda Jezqazǵanda 5 myń basty qamtıtyn qoı sharýashylyǵy, 10 myń tonnaǵa deıin kókónis saqtaý qoımasy, sondaı-aq 500 gektar alqapta mal azyǵyn sýarý tehnologııasymen egý bastamalary bar.
Jezqazǵan qalasyndaǵy emhana, medkolledj, oblystyq kópbeıindi aýrýhanada jóndeý jumystary júrip jatyr. Jospar boıynsha, oblystyq kópbeıindi aýrýhanaǵa 100 tósektik jańa korpýs jáne Jezqazǵan qalasynda Batys aýdanda demeýshilik qarajatqa (7 mlrd teńge) emhana salynady.
Jylýmen qamtamasyz etý baǵytynda ótken jyly oblysta 47,8 shaqyrym jylý jelileri jóndelse, sonyń 17,75 shaqyrymy Jezqazǵanǵa tıesili (aǵymdaǵy jóndeý). 2024-2025 jyldary «Jezqazǵan qalasynyń jylý jelilerin qaıta jańǵyrtý jáne modernızasııalaý» jobasynyń ekinshi jáne úshinshi kezeńderi tolyq aıaqtaldy.
Nátıjesinde №3, 9 jáne 11 jylý magıstralderi jańǵyrtylyp, jalpy uzyndyǵy 28,6 shaqyrym jylý jelileri paıdalanýǵa berildi. Elektr jelilerin jańǵyrtý barysynda Jezqazǵanda 703 shaqyrym jeli men 169 qosalqy stansııa jóndeldi.
Jezqazǵan qalasyn gazdandyrý jobasy jalpy uzyndyǵy 199,8 km bolatyn úsh kezeńnen (jeti iske qosý kesheninen) turady. Jobanyń birinshi jáne ekinshi kezeńderi ıaǵnı bes iske qosý kesheni tolyq aıaqtalyp, 154,4 shaqyrym gaz jelisi paıdalanýǵa berildi. 2026 jyly taǵy 34 shaqyrym gaz jelisiniń qurylysyn aıaqtaý kózdelgen. Búgingi kúni shamamen eki myń turǵyn úı gaz otynyn paıdalanyp otyr. 2025 jyly qala mańyndaǵy Keńgir aýylyna jalpy uzyndyǵy 25,2 shaqyrym gaz jelisi tartylyp, Esqula jerasty sý qoımasynan taza aýyz sý jetkizildi.
Jezqazǵanda ınvestısııalyq jobalar talqylandy
Halyqty sapaly aýyz sýmen qamtamasyz etýge baǵyttalǵan Úıtas – Aıdos sý alý qurylymdaryn qaıta qurý jobasynyń I kezeńi iske qosylyp, nátıjesinde aýyz sýdyń 30 paıyzy jer asty kózderinen qamtamasyz etilip jatyr. О́tken jyly jobanyń II kezeńi bastalyp, qurylys-montajdaý jumystary júrgizildi. 2026 jyly jobanyń III kezeńi aıasynda Úıtas ken ornyndaǵy uńǵymalar men kollektorlardy rekonstrýksııalaý kózdelgen.
Jezqazǵan qalasynda sý burý (káriz) júıelerin jańǵyrtý jumystary júrgizilip jatyr. О́tken jyly 5-shaǵyn aýdanda jeti shaqyrym káriz jelisin qaıta jańartý bastalyp, qazirgi tańda bes jarym shaqyrym qubyr men 236 qudyq ornatyldy. Bıyl jobany aıaqtaýdy josparlap otyr.
2026 – 2027 jyldary jalpy quny 16,1 mlrd teńge bolatyn káriz tazartý qurylystaryn (KOS) qaıta jańartý kózdelgen. Sonymen qatar, 20 káriz jelisin rekonstrýksııalaý jáne jańa sorǵy stansııalaryn salý josparda bar.
«Kólik jáne ınjenerlik ınfraqurylymdy damytýdyń mańyzy zor. 2025 jyly qalanyń 11 kóshesinde 15,7 shaqyrym avtomobıl joldary ortasha jóndeýden ótti. 2026 jyly uzyndyǵy 4,8 shaqyrym bolatyn 13 kósheniń avtomobıl joldaryn jáne uzyndyǵy 668 metr bolatyn 16+22,5 temir jol kópirin ortasha jóndeý boıynsha jospar bekitildi. Smetalyq quny 1,4 mlrd teńge kóleminde. Sonymen qatar qaladaǵy 12 oramnyń 99,8 myń sharshy metr oramishilik joldaryna jóndeý josparlanyp otyr. Alashahan dańǵyly, Batys aınalma joly jáne Seıfýllın kóshelerin tórt jolaqty 14 metrge deıin keńeıte otyryp, rekonstrýksııalaý josparlanǵan. Gagarın men Esenberlın kóshelerinde jáne №1 oramdaǵy kópqabatty turǵyn úılerdiń qasbetterin jóndeý jumystary qolǵa alynady. Quny 3,4 mlrd teńgeni quraıdy», deıdi Jezqazǵan qalasy ákiminiń orynbasary Erbol Qusaıynov.
Jolaýshylar tasymalyn 42 avtobýs qamtamasyz etedi. Sońǵy jyldary 25 avtobýs jańartyldy. Oblys ortalyǵynan Astana, Almaty, Qaraǵandy jáne Shymkent qalalaryna turaqty áýe qatynasy bar.
«Taza Qazaqstan» aksııasy aıasynda Jezqazǵan qalasynda – 16 596 kóshet otyrǵyzyldy. Bıyl «PetroQazaqstan Qumkól Resorsız» 100-deı jasyl jelek otyrǵyzýdy josparlap otyr.
Qala kelbeti jańaryp keledi. О́tken jyly Jezqazǵan qalasy úshin abattandyrý jáne kógaldandyrý jyly boldy. Momyshuly kóshesindegi saıabaq, Alashahan dańǵyly boıyndaǵy jaıaý júrginshiler aımaǵy abattandyryldy. Qalada 31 jańa balalar oıyn alańy ornatylyp, 8 alań qalpyna keltirildi. Sonymen qatar, 100 qoqys konteıner alańy abattandyrylyp, 400 konteıner aýystyryldy. Aýlaishilik jaryqtandyrýdy jaqsartý maqsatynda 105 kóshe shamy men jaryqtandyrý tirekteri ornatyldy. «Qazaqmys» korporasııasynyń qoldaýymen 40 kópqabatty turǵyn úıdiń qasbeti jańartyldy.
Ulytaýdan bastalǵan uly murat
Bıyl Keńgir sý qoımasy jaǵalaýyn abattandyrý bastalady, aýqymdy jobanyń quny 8,9 mlrd teńge, iske asyrý merzimi 2026-2028 jyldar.
Jezqazǵanda 16 úı salynyp jatyr. Sonyń alty úıi paıdalanýǵa berilip, shamamen 500 otbasy baspanamen qamtamasyz etildi.
«UlytauZhastary» baǵdarlamasy boıynsha jyl saıyn 500 mln teńge bólinip, 45 jas azamat páter satyp alýǵa múmkindik alady. Qalanyń damýy jańa Batys aýdanymen jalǵasyp jatyr. Bas josparǵa sáıkes bul aýmaqta áleýmettik nysandar men zamanaýı turǵyn úı keshenderi salynady. Bolashaqta munda 12 myńnan astam turǵyn ómir súredi dep kútiledi.
Ulytaý oblysy