Búgin Úkimet otyrysynda Premer-mınıstr Oljas Bektenov tasjoldardyń sapasy men qaýipsizdigin arttyrý, shekaralyq ótkizý beketterindegi obektilerdi qosa alǵanda, jol boıyndaǵy servısti de damytý qajet ekenin atap ótti, dep jazady Egemen.kz.
«Jol boıyndaǵy servısti damytýǵa erekshe nazar aýdarý qajet. Bul oraıda ulttyq standarttarǵa saı keletin nysandardyń qatary kóbeıip keledi. Biraq olar negizinen iri eldi mekenderdiń mańynda ornalasqan. Sondyqtan, trassalardyń boıynda servıstik ortalyqtardy birkelki ashyp, júrgizýshilerge janarmaı beketteri men qonaq úılerge deıingi qashyqtyq týraly málimet beretin jol belgilerin ornatý kerek. Sonymen qatar shekaralyq ótkizý beketteriniń mańynda júrgizýshilerge qyzmet kórsetetin servıstik nysandar ashý boıynsha sharalar qabyldanýy tıis», dedi Oljas Bektenov.
2029 jylǵa deıin 10 myń shaqyrym avtojolǵa jóndeý júrgiziledi
Premer-mınıstr tranzıttik tasymal kóleminiń artýyna baılanysty aýyr júk kólikterine de sapaly qyzmet qajet ekenin atap ótip, servıstik segmenttiń bul túrine suranys joǵary, ony otandyq bıznes usyna alatynyn jetkizdi.
Almaty − Qonaev tasjoly: Aqyly joldarda kimder tegin júre alady?
Jalpy, Úkimet otyrysynda jańa tasjol jobalaryn keshendi túrde júzege asyryp, ınfraqurylymdy damytýdy jáne jóndeý jumystarynyń tolyq kólemde aıaqtalýyn qamtamasyz etý qajettigi atap ótildi. Kólik mınıstrligine ákimdiktermen birlesip, tıisti standarttar men bıznesti yntalandyrý sharalaryn qamtamasyz etip, birinshi mamyrǵa deıin ár óńirde jol boıyndaǵy servısti damytýdyń ekjeı-tekjeıli kartasyn ázirleý tapsyryldy.
40 myń shaqyrymnan astam tasjolda ınternet paıda bolady