2018 jyldyń 1 sáýirinen bastap salyqtyq jáne kedendik ákimshilendirýdi jaqsartý jónindegi sharalar retinde «Astana-1», «Taýarlardy tańbalaý», «Elektrondyq shot-faktýralar», «Vırtýaldy qoıma», «Qaterlerdi basqarý júıesi» aqparattyq júıeleri alǵash ret engizilgen bolatyn.
Qarjy vıse-mınıstri Rýslan Eńsebaevtyń aıtýynsha, bul júıelerdi engizýdiń birqatar artyqshylyqtary bar, onyń ishinde aldyn ala aqparat berilgen sátten bastap, tranzıtti resimdeý jáne taýarlardy ýaqytsha saqtaý qoımasynda saqtaı turýdan shyǵarylǵanan keıingi baqylaýǵa deıin keden úderisterin avtomatty túrde baqylaý múmkindigi bolyp otyr.
«Kedendik baqylaýdyń barlyq úderisteri (Jedel basqarý ortalyǵy, Kólik avtomattandyrylǵan aqparat júıesi, Dereknama, Web-deklarant, Brokerlik júıe, Qaterlerdi basqarý júıesi) besten asa baǵdarlamany almastyra otyryp, bir aqparattyq júıege shoǵyrlanǵan. Mundaı júıe taıaý jáne alystaǵy 95 shet elderde jumys isteýde, Doing Business reıtınginde oń baǵaǵa ıe ári DKU jáne DSU erejeleri men standarttaryna sáıkes keledi»,- R. Eńsebaev atap ótti.
Sapar barysynda «Astana-1» júıesin is júzinde qoldaný, Qazaqstan men Qytaı arasyndaǵy júk qozǵalysy boıynsha statıstıkalyq derekterdiń alshaqtyǵy, biryńǵaı tereze qurý arqyly kedendik ákimshilendirýdi odan ári jetildirý máseleleri depýtattardyń basty nazarynda boldy.
Jalpy, kedendik rásimdeýdi jetildirý boıynsha atqarylǵan sharalar arqyly Qazaqstan Respýblıkasy Doing Business`19 reıtıngisinde 21 satyǵa kóterilip, 109-orynǵa ıe boldy.