28 memleketten kelgen 413 balýannyń qatysýymen ótken dodany Qazaqstan quramasy úsh júldemen qorytyndylady. Atap aıtsaq, 48 kılo salmaq dárejesinde beldesken Ǵalııa Tynbaeva men Aqmaral Naýatbek ózderin óte jaqsy qyrlarynan kórsetip, aqtyq synda kúsh synasý qurmetine bólendi. Qazaqtyń qos qyzynyń arasynda ótken fınaldyq básekede Ǵalııanyń mereıi ústem boldy. Ol bas júldeni oljalasa, Aqmaral kúmis medaldi moınyna ildi. Sondaı-aq osydan birer kún buryn 66 kılo salmaqta óner kórsetken Nurzat Sálimbaev úshinshi orynǵa taban tiregen bolatyn.
Uldar arasyndaǵy jarysta jergilikti dzıýdoshylardyń mereıi ústem boldy. Vengrııa quramasynyń úsh birdeı ókili jeńis tuǵyrynyń eń bıik satysyna kóterildi. Qyzdar básekesinde Ulybrıtanııa men Germanııanyń balýandary eki retten altynnan alqa taǵyndy.