Joba avtorynyń pikirinshe bul órkenıtetti elder men ejelgi qalalarda burynnan qalyptasqan úrdis eken. Osyndaı kúrdeli mýzykalyq aspaptyń biri Vıktor Pasaev eskertkishi mańyndaǵy «Aqtóbe arbaty» alańyna qoıylypty. Eger pıanınoda oınaǵysy kelse, kim-kimge de jol ashyq bolyp shyqty. Osyndaı ónerli órenderdiń biri №56 orta mekteptiń 3-shi synyp oqýshysy Aızere Álmuqanova bolyp shyqty. Onyń súırikteı saýsaqtary kúısandyq pernelerin erkin basady. Oǵan tosyrqaı ári qyzyǵa qaraǵan júrginshiler qarasyda az emes.
Bul pıanınony Aqtóbe qalasynyń turǵyny, zeınetker Danııa Nurysheva tartý etti. Bul aspapty nemeresý Mılana Temirbaeva oınaǵan eken. Endi ájesi ónerli nemeresine biraz jyldardan beri tirnektep jınaǵan zeınetaqysyna jańa pıanıno satyp alyp bermek. Sondaı-aq oryndyqsyz –pıanınonyń máni de sáni de kelmeıdi. Bul rette ózi de bul aspapty erkin meńgergen Mıras Nazımovtyń esimin de rızashylyqpen ataı alamyz deıdi Aqtóbe qalasy ákiminiń orynbasary Aıgúl Arynǵazıeva.
Ekinshi bir pıanınonyń «Astana» saıabaǵy aýmaǵyndaǵy ashyq aspan astynan oryn alýyna jlba avtory Dına Nııazovanyń ózi bastamashy bolypty. Al onyń oryndyǵyn kásipker Gaık Terterıan jasattyryp bergen. Pıanınog tili óner súıer búkil álem jurtshylyǵyna ortaq. Onyń pernesinen tógilgen syrly sazdar men ásem áýender adam janyn sergetip, jyly áserge bóleıdi. Sondyqtan da biz osyndaı aıyryqsha jobany iske asyrǵandy jón kórdik. Mundaǵy basty maqsat –ónerli búldirshinder men jastar, mýzyka mamandary men qala turǵyndary kópshilik aldynda óz ónerlerin kórsetip, ózgelerge rýhanı nár syılasyn, ári el ishindegi talanttardy turǵyndar tanı tússin degen oı edi dep toǵanady joba avtory Dına Nııazova.
Aqtóbe