Slettiń maqsaty sporttyq týrızmdi damytýǵa jáne onyń buqaralyq sıpatyn jáne týrıstik kópsaıysty nasıhattaýǵa, jańa bastaǵan týrıstik toptarǵa qoldaý kórsetýge, sporttyq týrızmniń negizderin oqytýǵa, eń bastysy áleýmettik áljýaz otbasylarynyń jáne táýekeli mol toptardaǵy balalardy sport týrızmine tartýǵa arnaldy. Sletke Rýdnyı qalasy men Qarasý, Sarykól, Amangeldi aýdandarynyń mektepterindegi 5-9 synyptar oqýshylarynan quralǵan týrıstik komandalar qatysty.
Slet Shoqannyń týǵan jeri Qusmuryn óńirindegi Novopavlov selosyndaǵy qaıyńdy toǵaılar ósken tabıǵaty sulý alańda ótti. Týrıster joly 800 metrden 2000 metr arasyn qamtydy. Onda jas týrıster shatyr tigý, batpaqtan ótý, kedergiden kerilgen arqanmen ótý, bórene arqyly ótý, maıatnıkpen ótý, tapsyrmalar alańy, alǵashqy medısınalyq kómek, shatyrlardy jınaý sııaqty tapsyrmalardy oryndady. Jarysta barlyq halyqaralyq erejeler jáne bekitilgen reglament saqtaldy. Alǵashqy eki kúnde balalar týrızmniń negizderin oqyp úırendi, odan keıin joryqqa úırený, medısınalyq alǵashqy kómek pen saqtaný sharalaryn jasap kórdi. Sonan soń jarysqa kiristi.
Jarys qorytyndysynda eresek týrıster arasynda 1 oryndy Rýdnyı qalasynan kelgen «Ekstrım» komandasy, P oryndy Qarasý aýdanynyń «Haskı» komandasy, Sh oryndy Amangeldi aýdanynyń «batyr» komandasy jeńip aldy. Al tómengi komandalar arasynda alań ıeleri, ıaǵnı Klıýchevoı orta mektebiniń «Qar barysy -1», «Qar barysy-2» komandalary men Amangeldi aýdanynan kelgen top ıelendi. Slet balalarǵa óte unap, qımaı qoshtasty.