Shymkent qalalyq mádenıet, tilderdi damytý jane arhıvter basqarmasynyń uıymdastyrýymen qaladaǵy 49 evakýasııalyq pýnktegi jas búldirshinder úshin qoıylym qoıyldy.
«Arysta oryn alǵan tótenshe jaǵdaı eshkimdi beıjaı qaldyrmady. Qalada qurylǵan 50-ge jýyq evakýasııalyq pýnkterinde úsh kúnnen beri kómekter kórsetilýde. Eriktiler men mekemeler, turǵyndar azyq-túlik, kıim-keshek berip, qarjylaı járdemdesse, qalalyq qýyrshaq jáne jasóspirimder teatry, sırk mekemesi balalarǵa arnap qoıylym, konserttik baǵdarlamalar qoıyp jatyr. Sonymen qatar balalardyń bos ýaqytyn tıimdi paıdalaný maqsatynda balaqaılarǵa ertegi kitaptary, tanymdyq kitaptar, sýret salatyn qalamdar taratyldy», - dedi ujym basshysy Arman Álıev.
Qaıyrymdylyq qoıylymynda «Aıgóılek» balalar ansambli óner kórsetti. Munan soń manejge sırktiń jas janýarlary shyǵyp, balaqaılarǵa qýanysh syılady. Balalar áýe akrobattarynyń teńdessiz plastıkasy men úıretilgen janýarlardyń ónerin, saıqymazaqtyń kóńildi nómirlerin de tamashalady.
Shymkent