26 maýsymda temirjoldar oq-dáriden tazartylyp, jóndelip, baılanys jelisine kerneý berilgen soń, myna ýchaskelerde: Arys-Taldyqudyq – jup jol boıynsha, Shaǵyr-Taldyqudyq – taq jol boıynsha, Qalash-Arys-2 – jup jáne taq jol boıynsha, Aqdala-Arys-2 – jup jol boıynsha qozǵalys ashyldy. Bul týraly QTJ baspasóz qyzmeti habarlady.
Alǵashqy №369 «Novosıbırsk-Tashkent» jolaýshylar poıyzy 26 maýsymda Shymkent stansasynan 22 saǵat 30 mınýtta jóneltildi. Arys stansasy tek basty joldarmen júrý úshin ashyq. Suryptaý jáne qabyldap-jóneltý joldary qozǵalys úshin áli jabyq tur.
26 maýsymnan 27 maýsymǵa qaraǵan túni Arys stansasy boıynsha 23 poıyz ótkizildi, onyń ishinde 7 jolaýshy, 8 konteınerlik, 8 júk poıyzy.
Qazirgi ýaqytta kestege poıyzdardy engizý boıynsha barlyq qajetti sharalar qabyldanýda.