Qasym-Jomart Toqaevqa Qazaqstannyń kólik-logıstıkalyq áleýetin arttyrýǵa halyqaralyq kompanııanyń qatysýy jóninde málimet berildi. Bul týraly Aqordanyń baspasóz qyzmeti habarlady.
Qazaqstan Prezıdenti sheteldik ınvestorlardyń ózara tıimdi jumysy úshin elimizde barlyq qajetti jaǵdaı jasalǵanyn aıtty.
– Qazaqstannyń Aqtaý, Quryq teńiz porttaryna qatysty ınfraqurylymdyq jobalardy júzege asyrýǵa atsalysyp júrgenińizdi bilemiz. Atalǵan jobalar jemisti ári tıimdi bolady dep úmittenemin, – dedi Memleket basshysy.
Sultan Ahmed bın Sýlaıem Qasym-Jomart Toqaevqa kezdeskeni úshin alǵys aıtyp, DP World kompanııasynyń jaqyn arada iske asyrý úshin josparlaǵan perspektıvti ınvestısııalyq jobalary týraly aıtty.