Qazirgi tańda Arys qalasy men áskerı qoımada oq-dárilerdi tazalaý jáne qalany dezınfeksııalaý sharalary aıaqtaldy. Turǵyndar ómirine esh qaýip joq. Sondaı-aq búgin ǵana QR Ekologııa, geologııa jáne tabıǵı resýrstar mınıstri Maǵzum Myrzaǵalıev Arystaǵy atmosferalyq aýanyń taza, sý jáne topyraqtyń lastanbaǵanyn, radıasııanyń joqtyǵyn aıtqan bolatyn.
Turǵyndar úıine oralǵanda bekitilgen qyzmetkerler foto-vıdeofıksasııa jasap, shyǵyndardy esepteýge kómek beredi. Jaıǵasý barysynda oblystyq polısııa qyzmetkerleri men dárigerler, tótenshe jaǵdaı departamenti men quzyrly mekemeler úzdiksiz qyzmet kórsetedi.
Sonymen qatar arystyqtarǵa qurylys-jóndeý jumystaryna kómek berý úshin elimizdiń barlyq óńirinen 160 arnaıy brıgada keledi. Árbir oblysqa Arys qalasyndaǵy bólingen sektorlar boıynsha jumystar beriledi.
Aıta keteıik, turǵyndardy kirgizý úshin Arys qalasy 17 sektorǵa bólingen. Bul sektorlarǵa oblysymyzdyń aýdan, qala ákimdikterinen 640 jaýapty (1 aýdan - 40 adam) azamat bekitildi. Árbir 10 úıge 1 qyzmetkerden jaýapty. Turǵyndardy jaıǵastyrý kezinde osy azamattarǵa qaladaǵy kóshe, aýlalardyń belsendileri kómek beretin bolady.
Apattan zardap shekken halyqqa Qazaqstannyń ózge oblystarynan qajetti 150 tonna zat jınalǵan.
Arys