28 maýsym kúni tańǵy 8.00-den bastap Arys qalasynyń turǵyndary úılerine oraldy. Tańǵy 6-dan bastap shańyraǵyna oralǵysy keletin adamdar evakýasııalyq ortalyqtardan jolǵa shyqty.
Búgingi tańda kommýnaldyq qyzmet tarapynan Arysta jaryq jáne sýmen jabdyqtaý júıeleri iske qosyldy.
Sondaı-aq, Arys temirjol beketinen barlyq baǵytqa poıyz qatynaı bastady.
Turǵyndary endi oralǵan qalada veterınarlyq qyzmet ólgen janýarlardyń óleksesin izdep, ony joıý jáne zararsyzdandyrý jumystaryn júrgizýde.
2019 jylǵy 27 maýsymnan bastap densaýlyq saqtaý mınıstrliginiń sanıtarlyq-epıdemıologııalyq qyzmetiniń 155 mamany men 22 birlik tehnıkasy 41 nysanda tekserý jáne dezınfeksııalaý jumystaryn júrgizdi.