QR Úkimetiniń Qaýlysymen Esın Danııar Nurashuly Qazaqstan Respýblıkasynyń Aqparat jáne qoǵamdyq damý vıse-mınıstri qyzmetine taǵaıyndaldy. Bul týraly primeminister.kz habarlaıdy.
Danııar Esın 1981 jyly Qaraǵandy oblysynda týǵan. QR Qarjy polısııasy akademııasyn, Qazaqstan-Reseı ýnıversıtetin, RF Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn bitirgen. Eńbek jolyn 1998 jyly bastaǵan.
Túrli jyldary Astana qalasynyń Investısııalar jáne damý basqarmasynda jumys istedi: basshynyń orynbasary, basshy laýazymdarynda boldy. 2016-2018 jyldary - Astana qalasynyń Din isteri basqarmasynyń basshysy. 2018 jyldyń naýryz aıynan Nur-Sultan qalasynyń Qoǵamdyq damý isteri basqarmasyn basqardy.