О́negeli ómir jolynda eline zor eńbegin sińirip, halqynyń tulǵaly azamatyna aınalǵan, KSRO Memlekettik qaýipsizdik komıtetinde, Qazaqstan Respýblıkasy Ulttyq qaýipsizdik komıtetiniń tóraǵasy laýazymynda, Qazaqstan Respýblıkasy Qorǵanys mınıstrliginde jaýapty basshylyq qyzmetter istep, keıin Qazaqstan Respýblıkasy Ulttyq qaýipsizdik akademııasyn basqarǵan, Ortalyq Azııadaǵy halyqaralyq esirtkige qarsy kúres ortalyǵy dırektorynyń orynbasary qyzmetin atqaryp júrgen kásibı maman, parasatty basshy Ádil Shaıahmetuly týraly atalmysh mektepte «Uly dala qyrany» atty kitaptyń tusaýy kesilip, general-leıtenant Ádil Shaıahmetov atyndaǵy alǵashqy áskerı daıyndyq kabıneti ashyldy.
Bul is-sharaǵa elimizge tanymal memleket jáne qoǵam qaıratkeri, general-polkovnık Sát Toqpaqbaev, memleket jáne qoǵam qaıratkeri Shámsha Berkimbaeva, Qazaqstan Respýblıkasy Generaldar keńesiniń tóraǵasy, ádilet general-maıory Rústem Qaıdarov, UQK Almaty qalasy boıynsha ardagerler keńesiniń tóraǵasy, polkovnık Ábdimálik Raıymqulov, kóptegen áriptes generaldar, ofıserler qatysyp, qonaq boldy. Sonymen qatar kezinde Ádil Shaıahmetulyna sabaq bergen ulaǵatty ustazdary, onyń ishinde Orynsha Qarabalına-Qazybaeva, Gúljaýhar Jeksembına, Naǵıma Bekmaǵambetova jáne basqa da muǵalimder, azamattyń otbasy, týystary, birge ósken jerlesteri, synyptas, ınternatta birge oqyǵan dostary jáne áriptesteri jınaldy.
«Ádil Shaıahmetov Ulttyq qaýipsizdik komıtetinde uzaq jyldar boıy minsiz qyzmet etip keledi. Bul – elimizdiń qaýipsizdigin, shekarasynyń berik bolýyn qamtamasyz etetin memlekettik organ. Ádil Shaıahmetulynyń joǵary deńgeıdegi memleket qaıratkeri dárejesine jetýi onyń biliminiń tereńdigi men daıyndyǵynyń joǵary deńgeıde bolǵandyǵynyń arqasy dep oılaımyn.
Osy sharany uıymdastyrǵan mektep-ınternat dırektory Roza Erbozymqyzyna, ıgi isterge atsalysqan oqytýshylar men oqýshylarǵa rızashylyǵymdy bildirgim keledi», – dedi memleket jáne qoǵam qaıratkeri, general-polkovnık Sát Toqpaqbaev.
«О́zim ustaz bolǵandyqtan, osy is-sharanyń, ásirese balalarǵa úlken áser bergenin baıqadym. Ádil Shaıahmetov ózi oqyǵan osy mektepke ylǵı kelip, barlyq ózekti problemany bilip, ony shyn peıilimen sheshýge atsalysady. Sonymen qatar Ádil Shaıahmetov Saýryq batyr aýylyndaǵy bastaýysh klasta oqyǵan, mektebine kúrdeli jóndeý jasaýǵa, sport keshenin salǵyzýǵa yqpal etti. Osyndaı azamattardyń qatary kóbeıip, jastarǵa qamqorlyq kórsetse, kásipkerler baılyqtarynan mádenıet salasyna, oqý oryndaryna qaraılassa, ultymyzǵa úlken qyzmet jasaǵan bolar edi», dedi memleket jáne qoǵam qaıratkeri Shámsha Berkimbaeva tebirenispen óz pikirin bildirdi.
О́z kezeginde general-leıtenant Á.Shaıahmetov: «Talantty ustazdyń shákirti talapty bolady» dep halqymyz beker aıtpaǵan ǵoı. Kezinde bizdi bilim nárimen sýsyndatqan Orynsha Qarabalına-Qazybaeva apaıymyz bastaǵan ulaǵatty ustazdarymyzdyń birazy búginde zeınet demalysynda, olarǵa sheksiz alǵysymdy bildiremin. Bilim ordasynda ustazdardyń uıǵarýymen meniń atyma arnap áskerı daıyndyq synybyn ashyp, maǵan arnap «Uly dala qyrany» kitabyn shyǵarǵandary men úshin óte úlken qurmet», dep atap ótti.
Mektep-ınternatqa oqýshylar Qazaqstannyń túkpir-túkpirinen jınalǵan. Olar bilim ordasyna ár oblystardan úlken synnan ótip qabyldanady. Olarǵa qoıatyn talap ta óte joǵary. Sondyqtan joǵary deńgeıdegi talaptyń, jastardyń ózderiniń talpynystarynyń arqasynda mektep ujymy úlken nátıjelerge qol jetkizip otyr.
Sóz sońynda, altyn uıa mektebimizdiń, han saraıyna bergisiz aq ordamyzdyń «el úshin emirenip, jurt úshin júginip qyzmet eter» (B.Momyshuly) Ádil Shaıahmetovteı shákirtteri jyl sanap arta bersin degimiz keledi. Qazaqstannyń kók baıraǵyn bıik ustar azamattarymyz osy mektepten tárbıelenip, alda talaı belesterge jetip, asqar shyńdardy baǵyndyrsyn degen júrekjardy lebizimizdi bildiremiz.
Roza SEKSENOVA,
Abaı atyndaǵy Respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternatynyń dırektory