Parlament Senatynyń depýtaty S.Aıtpaeva Eýropa Keńesi Parlamenttik Assambleıasynyń Strasbýrg (Fransııa) qalasynda ótken maýsym sessııasyna qatysty.
Eýropa Keńesiniń parlamentshileri Eýropa Keńesiniń 2020-2021 jyldarǵa arnalǵan bıýdjeti men basymdyqtaryn, Parlamenttik Assambleıanyń ókilettikteri men (ulttyq delegasııalardyń) daýys berýine, genderlik teńdikke, balalarǵa zorlyq-zombylyq kórsetýdi toqtatýǵa úles qosýǵa qatysty máselelerdi, Sırııadaǵy jaǵdaıdy saıası retteýdiń keleshegin talqylady.
Senator sessııa barysynda Monakonyń parlamenttik delegasııasynyń basshysy J. Badıamen, EKPA Áleýmettik máseleler, densaýlyq saqtaý jáne ornyqty damý jónindegi komıtetiniń múshesi – Ázirbaıjan Mıllı Medjlısiniń Halyqaralyq qatynastar jáne parlamentaralyq baılanystar jónindegi komıteti tóraǵasynyń orynbasary S.Fatalıevamen, eýropalyq konservatorlar tobynyń tóraǵasy Iа.Lıddel-Greındjermen (Ulybrıtanııa), Saıası máseleler jáne demokratııa jónindegi komıtettiń tóraǵasy R.Oomen-Rýıtenmen (Nıderlandy), sondaı-aq Eýropa Keńesiniń Bas hatshysy M.Peıchınovıch-Býrıchpen kezdesti.
S.Aıtpaeva Áleýmettik máseleler, densaýlyq saqtaý jáne turaqty damý jónindegi komıtettiń balalar máseleleri jónindegi kishi komıtetiniń otyrystaryna, sondaı-aq Parlamenttik Assambleıanyń balalarǵa qatysty zorlyq-zombylyqty toqtatý jáne kóship-qonýshy balalardy paıdalaný máseleleri jónindegi birlesken pikirsaıystaryna qatysty.