Foto: Vıdeodan alynǵan kadr
Arnaıy qyzmetterdiń shuǵyl áreket etýine turǵyndardyń kópten beri aıtqan shaǵymdary sebep bolǵan. Kórshiler páterden shyqqan ótkir sasyq ıiske, jándikter men kemirgishterdiń kóbeıýine, sondaı-aq jınalǵan qoqystyń órt qaýpin týdyryp otyrǵanyna alańdaýly.
Oqıǵa ornyna barǵan ýchaskelik ınspektorlar páterdegi antısanıtarııalyq jaǵdaıdyń óte aýyr ekenin anyqtady. Bólme eski zattar, paketter jáne taǵam qaldyqtaryna tolyp ketken. Qoqys tóbege deıin jınalǵany aıtyldy.
Tynysy tarylǵan Áıteı: Qoqys polıgonynyń máselesi qashan sheshiledi?
Páterdi tolyq tazartý úshin kommýnaldyq qyzmetkerler men eriktilerge bir kúnge jýyq ýaqyt ketken.
Polısııa departamentiniń málimetinshe, qoqysqa toly páter turǵyndar úshin úlken qaýip tóndirgen. Mamandar órt shyǵý qaýpi joǵary bolǵanyn, sondaı-aq ınfeksııalyq aýrýlardyń taralýy men sanıtarlyq talaptardyń óreskel buzylý qaýpi bar ekenin atap ótti.
Páter ıesi – egde jastaǵy áıelmen profılaktıkalyq áńgime júrgizilgen. Quqyq qorǵaý organdary mundaı jaǵdaılar kóbine psıhologııalyq máselelermen nemese oqshaýlanýǵa baılanysty bolýy múmkin ekenin aıtyp, oǵan medısınalyq jáne áleýmettik kómek usynylǵanyn habarlady.
Qaǵazda – «qanttaı», kóshede – qoqys: Úndeýge ún qospaǵan Úrjar
Abaı oblysy polısııa departamenti turǵyndardy ómirge, densaýlyqqa nemese sanıtarlyq qaýipsizdikke qater tóndiretin jaǵdaılar týraly der kezinde quqyq qorǵaý organdaryna habarlaýǵa shaqyrdy.
