Ishki ister mınıstrligi jyl basynan beri Qazaqstanda adam saýdasyna baılanysty 75 qylmys anyqtalǵanyn málimdedi. Tirkelgen derekter arasynda adamdardy májbúrli eńbekke jegý, qaıyr suratýǵa májbúrleý, jynystyq qanaý, kámeletke tolmaǵandardy jezókshelikke tartý jáne jańa týǵan sábıler saýdasy faktileri bar, dep jazady Egemen.kz.
IIM Uıymdasqan qylmysqa qarsy kúres departamenti basqarmasy basshysynyń orynbasary Shynar Kósherbaevanyń aıtýynsha, Jetisý oblysynda eki turǵyndy zańsyz bostandyǵynan aıyryp, bir sehta bir aı boıy kúshtep jumys istetken derek anyqtalǵan.
Abaı oblysynda adam saýdasymen aınalysqan kópbalaly ana sottaldy
Adam saýdasynyń qurbanyna kóbine áleýmettik turǵydan osal toptar jatady. IIM ókilderiniń naqtylap aıtýynsha, turaqty baspanasy joq adamdar men qıyn jaǵdaıǵa tap bolǵan azamattar qaýip-qaterge jıi urynady.
Adam saýdasymen aınalysqan qylmystyq top ustaldy
Sonymen qatar Qazaqstan azamattarynyń shetelderde de eńbek quldyǵyna túsip jatqany belgili boldy. Syrtqy ister mınıstrliginiń Erekshe tapsyrmalar jónindegi elshisi Stanıslav Vasılenkonyń sózinshe, 2025 jyly elshilik jáne konsýldyq qyzmetkerler shetelde eńbek quldyǵyna nemese «alaıaqtyq ortalyqtarǵa» tap bolǵan 40-tan astam azamattyń elge oralýyna kómektesken.
Olardyń basym bóligi Ońtústik-Shyǵys Azııadaǵy «altyn úshburysh» aımaǵy elderi men Arabııa túbegindegi memleketterde qıyn jaǵdaıǵa tap bolǵan.
Buǵan deıin de Atyraý oblysynda adam saýdasymen aınalysqan 21 derek anyqtalǵan.