Búginde oblys boıynsha Arys qalasyna kómek kórsetý úshin gýmanıtarlyq kómek qabyldaıtyn 53 pýnkt ashylǵan. Qandas aǵaıyndy qoldaýǵa jetisýlyqtar judyryqtaı jumylyp atsalysýda. Máselen, bul iske memlekettik qyzmetkerler ǵana emes, kásipkerler men qoǵamdyq uıymdar jáne oblystyń qarapaıym turǵyndary da ún qosýda. Bastama aıasynda Almaty oblysynyń memlekettik qyzmetkerleri men bıýdjettik meekeme ókilderi óz erikterimen bir kúndik eńbek aqylaryn kómekke arnap, jalpy sommasy 40 mln teńgeni quraǵan qarjyny arnaıy shotqa aýdarǵan. Budan bólek, oblystyń kásipkerleri, sharýa qojalyqtary men qoǵamdyq uıymdary 50 mln. teńge kóleminde qarjyny «Túrkistan» áleýmettik qorynyń esep shotyna jóneltipti.
- Gýmanıtarlyq kómek qabyldaý pýnkterine oblys turǵyndary óz erikterimen alǵashqy qajetti azyq-túlik pen zattar jáne qarajat jınaýdy uıymdastyrýda. Búgingi kúni qabyldaý pýnkteri belsendi jumysqa kirisken. Nátıjesinde, alǵashqy qajetti azyq - túlik, qurylys zattary 26 maýsym kúni Almaty oblysynan Túrkistan oblysynyń Arys qalasyna gýmanıtarlyq kómek tıelgen quny 56,4 mln. teńge bolatyn 10 avtokólikten turatyn birinshi kerýen jetip, tabystaldy. Búginde qosymsha 17,0 mln. teńgeniń zattary jınaqtaldy, - deıdi oblys ákimi Amandyq Batalov.
Al shahardy qalpyna keltirý boıynsha elimizdiń ár oblysy jáne respýlıkalyq mańyzy bar qalalarǵa arnaıy ýchaskeler bólinip berilgen bolatyn. Búginde Almaty oblysy jasaqtaǵan qurylys brıgadasy enshilerine tıgen №15 ýchaskede jumysty bastaýǵa ázirlenýde.
- Prezıden Qasym-Jomart Toqaev Arys turǵyndarymen kezdeskende qalany qalpyna keltirýge el bolyp jumylatynmyzdy aıtqan bolatyn. Qazir Arysta 17 aýmaqqa bólingen qalypqa keltirý jumysy júrgizilýde. Almaty oblysy da bul isten shet qalmaıdy. О́zimizge tıesli ýchaskede jumys bastady. Biz jóndeıtin aýdanda 29 kóshede ornalasqan 9 áleýmettik, 14 kommersııalyq nysan men 854 jekemenshik turǵyn úı ornalasqan. Onyń ishinde 157 jekemenshik úı oblys tarapynan qalpyna keltiriletin bolady. Qazir jumystyń jospary jasalyp, aýqymy anyqtalýda. Buıyrsa, qurylys jumystarny 1 aı ishinde aıaqtaýdy moınymyzǵa alamyz - deıdi Amandyq Batalov.
Sondaı-aq, aldaǵy aptadan bastap Arys qalasyndaǵy mektepterde oqıtyn 150 bala jazǵy demalysynyń bir aıyn jetisýdyń eń kórikti jerlerinde ornalasqan lagerlerde ótkizetin bolady.
- Arystyq balalardy shildeniń 10 juldyzynan bastap qabyldaımyz. Balalar Eńbekshiqazaq aýdany men Qapshaǵaı qalasynda ornalasqan «Taý Janashar» jáne «Kúnshýaq» lagerlerinde tynyǵyp, qýattanatyn bolady. Bul iske bıýdjetten 30 mln. teńge bólindi. Baldyrǵandardyń demalysyn qamtamasyz etý barysynda arnaıy baǵdarlama qurastyrylyp, balalardy moraldi-psıhologııalyq qalpyna keltirý máselesi de qamtylady. Sonymen birge, jetisý jeriniń tańǵajaıyp jerleri de olardyń boıyna qýat darytyp, demalysy umytylmastaı áser qaldyratynyna kámil senimdimiz - deıdi Amandyq Batalov.