Ulybrıtanııanyń astanasy – Londonda ótip jatqan Ýımbldon týrnıriniń ekinshi kezeńine Qazaqstannyń qos tennısshisi shyqqany belgili.
Buǵan deıin biz WTA reıtınginde 39 orynda turǵan qazaqstandyq Iýlııa Pýtınseva óziniń tusaýkeser kezdesýde álemniń ekinshi raketkasy, Japonııanyń juldyzy Naomı Osakany 7:6, 6:2 esebimen utqany jaıynda jazǵanbyz. О́kinishke qaraı, ekinshi aınalymda jerlesimizdiń joly bolmady. Ol myqtylar tiziminde 81 satyǵa jaıǵasqan shveısarııalyq Vıktorııa Golýbıchke ese jiberdi. 1 saǵat 40 mınýtke sozylǵan báseke 4:6, 6:7 esebimen aıaqtaldy.
Ýımbldondaǵy endigi jalǵyz úmitimiz – Mıhaıl Kýkýshkın. Alǵashqy aınalymda ıspanııalyq Pablo Andýhardan aılasyn asyrǵan Qazaqstannyń eń úzdik tennısshisi búgin álemniń 12-raketkasy amerıkalyq Djon Iznermen sheberlik baıqasady.