О́zara senim seriktestikke serpin qosady

Kezdesý barysynda taraptar ekijaqty kún tártibiniń negiz­gi máselelerin jáne Elbasy Nur­sul­tan Nazarbaev pen AQSh pre­zı­denti Donald Tramptyń 2018 jylǵy qańtarda qol jetkizgen ýaǵdalastyqtaryn júzege asyrý máselelerin talqylady.

AQSh ókilderi Qazaqstandaǵy kezekten tys prezıdenttik saılaý­dyń qorytyndysyn qoldap, Qa­zaq­­stan-Amerıka qarym-qaty­na­sy­n­yń barlyq spektri boıynsha yn­ty­maqtastyqty odan ári da­my­týǵa daıyn ekendikterin bildirdi.

AQSh Memlekettik departa­mentinde B.Atamqulov Elbasy N.Nazarbaev pen Qazaqstan Pre­zıdenti Q.Toqaevtyń AQSh-tyń aldaǵy 243-shi táýelsizdik kúnine oraı Aq úıdiń basshysy D.Trampqa joldaǵan quttyqtaý hattaryn tabys etti.

Kelissózder kezinde belgili bol­ǵandaı, amerıkalyq tarap Pre­zıdent Q.Toqaevtyń áleý­met­tik-ekonomıkalyq jáne saıa­sı qaıta qurý baǵdarlamasyna qol­daý kórsetip, belgilengen reformalardy júzege asyrýǵa qajetti kómek kórsetýge daıyn.

Taraptar jahandyq ekono­mı­kadaǵy qıyndyqtarǵa qara­mastan, Qazaqstan men AQSh arasyndaǵy saýda-ınvestısııalyq ózara is-qımyldyń joǵary deń­geıin atap ótti. 2018 jyly eko­no­­­mı­kalyq yn­ty­maqtastyqtyń ne­giz­gi kór­set­kish­teri aıtarlyqtaı ósim­­di kór­setti, saýda aınalymy úsh ese ósken, al amerıkalyq ın­ves­­­t­ı­­­sııa­­lardyń aǵyny eki ese ulǵaıdy.

Aq úıde kezdesý kezinde Dj.Bolton AQSh-tyń Qazaqs­tan­men keńeıtilgen strategııalyq seriktestiktiń mańyzdylyǵyna toqtaldy. Bul oraıda Dj.Bolton men M.Pompeo strategııalyq áriptestiktiń osy baǵytyn odan ári arttyrýǵa beıildiligin rastady. Amerıkalyq tarap «Jýsan» qazaqstandyq operasııasyn júzege asyrýdyń tabystyly­ǵyn joǵary baǵalady. Memleket­tik hatshy M.Pompeo elimizdiń is-qımyldaryn halyqaralyq terrorızmge qarsy kúrestegi naqty úlesi jáne álemniń basqa memleketteri úshin úlgi dep atady.

AQSh Qazaqstannyń jetekshi ınvestısııalyq seriktesteriniń biri. AQSh bıznesi 27 jyl ishinde Qazaqstan ekonomıkasyna 47 mıllıard AQSh dollaryn quıdy. 2018 jyldyń qorytyndysy boıynsha elder arasyndaǵy taýar aınalymy 2,3 mlrd AQSh dollaryn qurady. Sheteldik kapıtal salymdarynyń jalpy qorjynynda tikeleı amerı­ka­lyq ınvestısııalardyń úlesi 2018 jyly 22%-ǵa jetti (5,3 mlrd AQSh dollary). Qazaqstan Ult­tyq ekonomıka mınıstrligi Sta­­tıs­tıka komıtetiniń máli­met­terine sáıkes elimizde amerı­ka­lyq kompanııalardyń 160-qa jýyq ókildigi jáne Qazaqstan-AQSh birlesken 350-den astam kásip­oryn jumys isteıdi. Amerıkalyq ınvestorlar taý-ken ónerkásibi, mashına qurastyrý, óndirýshi ónerkásip jáne t.b. salalarda birqatar jobalardy iske asyrdy.

Qazirgi ýaqytta Qazaqstan Syrt­qy ister mınıstrligi In­ves­tısııa komıteti «Kazakh Invest» Ulttyq kompanııasymen birlesip, Qazaqstan úshin mańyz­dy agrarlyq óńdeý, farmasevtı­ka ónerkásibi sekildi ekonomıka sektorlarynda amerıkalyq kapı­taldyń qatysýymen shamamen 20 áleýetti jobany pysyq­taýda.

Qazaqstan amerıkalyq kompanııalarmen yntymaqtastyqty odan ári damytýǵa jáne munaı-hımııa kásiporyndaryn salýǵa amerıkalyq ınvestısııalar men ozyq tehnologııalardy tar­tý­ǵa múddeli. Elbasy Nur­­sul­tan Nazarbaevtyń 2018 jyl­ǵy qań­tardaǵy AQSh-qa sapary bary­synda qol jetkizilgen ýaǵdalas­tyq­tar­dy tabysty iske asyrý aıa­synda eki eldiń isker toptary aras­yndaǵy yntymaqtastyqtyń bel­sendi ósýi baıqalady.