Fılarmonııanyń Segiz seri atyndaǵy qazaq ulttyq orkestriniń músheleri eki topqa bólinip, turǵyndar kóp shoǵyrlanǵan aýmaqtarda óner kórsetti. Olar vokzal, iri saýda, oıyn-saýyq oryndarynda qazaqtyń tanymal kúıleri men týyndylaryn oryndap, dombyra únin əýeletti. Mýzykalyq kórinisti tamashalaǵandardyń biri – qyzyljarlyq Petr Perezereı temir jol vokzalynda dombyrashylardyń ónerin qyzyǵa tamashalap, erekshe tánti bolǵanyn jetkizdi.
«Men Novosibir qalasyna kóshkeli otyrmyn. Səbı kúnimnen qazaqtyń ulttyq ónerine qanyǵyp óstim. Osyndaı jaqsy kerýenniń kýəgeri bolyp, ketip bara jatqanyma óte qýanyshtymyn. Qonaqjaı qazaq eline degen rızashylyǵym sheksiz», deıdi Petr Leonıdovıch.
Qara dombyranyń qońyr úni adamdar kóp shoǵyrlanǵan «Rahmet», «Sokol», «Taıǵa», «Sıtı moll» sekildi saýda núktelerinde, qoǵamdyq-kópshilik oryndarda da asqaqa estildi.
Qalalyq «Qazaq tili» qoǵamynyń tóraǵasy Dásten Baımuqanovtyń aıtýynsha, osy kúni Perınataldyq ortalyqta dúnıe esigin birinshi bolyp ashqan shaqalaqqa dombyra tartý etildi.