Oblys ortalyǵyndaǵy Dúısenov kóshesi, 138/1 mekenjaıy boıynsha 2 toǵyz qabatty turǵyn úı paıdalanýǵa berildi. Turǵyn úılerdiń qurylysyna «Pavlodar» áleýmettik-kásipkerlik korporasııasy tapsyrys berdi.
Al,qurylysty «BEKAS» JShS-i «GSÝ Qurylys» jáne «STROI-TEH» seriktestikterimen birlesip júrgizdi. Jańa páterlerdiń ıelerine kiltterdi oblys ákimi Bolat Baqaýov tabystady.
Páter alýshylardyń qatarynda kóp balaly Qýat pen Jazıra Qusbekovterdiń otbasy bar. -Árıne, bizder úshin qýanysh. Otbasymyz kópten kútken páterge ıe boldyq, – dedi Qýat Qusbekov.
Sonymen birge, bul úıdegi 20 páterdi «Pavlodar munaı-hımııa zaýyty» JShS munaıshylar úshin satyp alǵan. Buǵan deıin óńirdegi Aqsý, Ekibastuz qalalarynda 70 kópbalaly otbasy jańa páterlerge qonystandy.
Jalpy, bıyl oblystaǵy kópbalaly jáne az qamtylǵan otbasylardy áleýmettik qoldaýǵa 3 mlrd teńge qarastyryldy.
Pavlodar
Sýretti túsirgen Valerıı Býgaev