Aqtaýdaǵy 25744 áskerı bóliminiń bazasynda «Batys» óńirlik qolbasshylyǵynyń tárbıeshi ofıserlerimen oqý-jıyny ótti. Jıynǵa Atyraý, Aqtaý jáne Aqtóbe garnızondaryndaǵy áskerı bólim komandırleriniń tárbıe jáne ıdeologııalyq jumystary jónindegi orynbasarlary, psıholog-ofıserleri jáne áskerı qyzmetshilerdiń otbasymen jumysty uıymdastyrý qyzmetiniń ókilderi qatysty.
Jıynnyń basty máselesi retinde tárbıe jáne ıdeologııalyq jumys úrdisiniń jetildirilýi, shet el armııasynyń tárbıe jumysyn tsaraptaý, áskerı tártipti nyǵaıtýdaǵy novatorlyq ıdeıalardy qarastyrý bolyp belgilendi.
Jıynǵa qatysýshalarmen psıhologııalyq zerdeleý jumystary ótkizilip, basshylyq talaptary men zańnamalyq aktiler boıynsha, saýalnama júrgizý tártibi, merzimdik qyzmettegi sarbazdardyń bos ýaqytyn uıymdastyrý, áskerı qyzmetshiniń psıhologııalyq portretin jasaý boıynsha synaqtar qabyldandy.
-Búgingi kúni, áskerı qyzmetshilerdiń jeke-moraldik qasıetterin zertteý qalyptasyp qalǵan shablondyq áreketterge júginbeı, erekshe kózqarasty talap etedi. Tárbıeshi ofıserdiń osy kezektegi basty tapsyrmasy, áskerı qyzmetshiniń ujymy arasyndaǵy, sonymen qosa múmkindiginshe otbasyndaǵy oń ahýaldy qalyptastyrý bolyp tabylady. Bul rette, Qarýly Kúshterde qoldanyp kele jatqan «Jaýyngerlik dos» eki jaqty baqylaý júıesi men áskerı qyzmetshilerdiń otbasymen jumysty uıymdastyrý qyzmeti úlken jumysty atqarýda, deıdi óńirlik qolbasshylyqtyń tárbıe jáne ıdeologııalyq jumystary jónindegi orynbasary polkovnık Serik Seıitbaev.
Qazaqstan Respýblıkasy Qarýly Kúshterinde komandırlerdiń tárbıe jáne áleýmettik-quqyqtyq jumysary jónindegi orynbasarlary ınstıtýty osydan 26 jyl buryn qalyptasty. Osy kúnderi, Qarýly Kúshterde 1000-ǵa jýyq tárbıeshi-ofıserler qyzmet etedi. Olardyń moıyndaryna áskerı qyzmettegi tártipti nyǵaıtý, quqyqtyq aldyn-alý jumystaryn júrgizý, jeke quramnyń áleýmettik máselelerin baqylaý, moraldik-ónegelik jaǵdaıdy jaqsartý boıynsha tapsyrmalar júktelgen.
Mańǵystaý oblysy