Baıqaýda qazylar alqasynyń oń baǵasyn alǵan top-20 úmitker qonaqtardyń aldyna shyǵyp, taǵy da ónerlerin sarapqa salady. Olar Aqtóbe qalasynyń 150 jyldyq mereıtoıyna arnalǵan keń aýqymdy básekeniń júldeli oryndary úshin baq synaıtyn bolady.
Bizge Erjan Maksım men Nargız Januzaq sekildi osyndaı vokaldyq estradanyń jas juldyzdaryn syılaǵan «Baqytty bala» festıvaliniń birinshi maýsymynyń tartymdylyǵy jurtshylyqtyń nazaryn aýdaryp qana qoıǵan joq, sonymen birge, oqıǵanyń aýqymyn da, shaqyrylǵan qonaqtardyń deńgeıin de kórsetti. Bul is-sharanyń mártebesin arttyrǵany sózsiz.
Al aldaǵy konkýrsta qazylar alqasynyń músheleri bolyp sheteldik belgili oryndaýshylar men shoý ındýstrııasynyń qurmetti de kásipqoı mamandary tańdap alyndy. Olardyń qatarynda «X-faktor» jobasyna qatysyp, birinshi kastınginiń beınetaspasy YouTube hostınginiń keńistiginde vırýstyq týyndyǵa aınalyp, qazaqstandyq kórermenniń de esinde qalǵan Ýkraınanyń tanymal ánshisi Aıda Nıkolaıchýk bar. Táýelsiz ókil retinde áıgili «Golos» telejobasynyń juldyzy, grýzın oryndaýshysy Nını Snobıladze shaqyryldy. Sondaı-aq saraptamalyq komandaǵa Valerıı Leontev, Nıkolaı Baskov, Fılıpp Kırkorov jáne túrik hory sııaqty top juldyzdarmen jumys isteıtin Reseıdiń ókili, kompozıtor Evgenıı Evzerov kirdi.
Qazylar alqasynyń quramyna elimizden Dımash Qudaıbergenniń saýnd-prodıýseri jáne mýzyka kórkemdeýshi Erlan Bekchýrın, tanymal kompozıtor ári oryndaýshy Ulyqpan Joldas jáne Dımashtyń ustazy, onyń biregeı talantyn álemge tanytqan QR eńbek sińirgen mádenıet qaıratkeri Marat Áıtimov shaqyryldy.
Álemniń 9 elinen (Ýkraına, Reseı, Belorýs, Polsha, О́zbekstan, Qyrǵyzstan, Gresııa, Kanada, Moldova) kelgen ónerpazdardan 500-den astam ótinim qabyldaǵan festıvaldiń aqtyq synyna irikteý týrynda geografııalyq jaǵynan ózgerister paıda boldy. Qorytyndyǵa sáıkes, konkýrsqa 8 elden kelgen 20 úmitker jiberiletin bolady.
«Baqytty bala» festıvaldiń rejısseri Anna Oboıanskaıa konkýrstyq ótinimder sapasynyń ádettegiden jaqsarǵanyn jáne oryndaýshylardyń vokaldyq deńgeıiniń óskendigin aıtady. Olardyń arasynda halyqaralyq deńgeıde ózin kórsetip úlgergen jetkinshekter de bar eken. Alaıda, Annanyń sózine qaraǵanda, irikteý kezininiń negizgi talaptaryna saı qatysýshylar erekshe vokaldyq jáne ártistik qabiletterin kórsetýi tıis jáne bul talap árdaıym saqtalyp qala bermek. Sondyqtan kásibı oryndaýshylarmen birge top-20-ǵa álemge áli tanylmaǵan, biraq daýsy keremet vokaldyq áleýetke ıe shalǵaı óńirlerden kelgen daryndar da tańdalǵan.
Anna Oboıanskaıanyń ózine kelsek, ol Ýkraınadan arnaıy shaqyrylǵan. Onyń jınaǵynda Italııa, Ispanııa, Túrkııa jáne Gresııada ótken halyqaralyq aýqymdaǵy jobalar, sondaı-aq «Bastau» atty Dımashtyń soldyq konserti bar.
Aıta keterligi, byltyr aqtóbelik 4 bala tańdaýly 20 darynnyń qataryna enip, olardyń bireýi 1, 2, 3-dárejeli, qalǵan úsheýi Gran prı júldegeri atanǵan bolatyn. Bul, óz kezeginde Aqtóbe ákimdiginiń Qazaqstan estradasynyń jarqyn juldyzdaryn tabatyn jáne ósiretin talanttar fabrıkasy ataǵyna laıyq ekendigin dáleldese, ekinshiden, is-sharany joǵarǵy deńgeıde jáne jan-jaqty uıymdastyrýǵa serpin berdi. Osyndaı qoldaýdyń arqasynda transfer, tamaqtaný jáne qaýipsizdik sharalaryn qosa alǵanda, konkýrs qonaqtary men qatysýshylarynyń yńǵaılylyǵy úshin barlyq qajetti jaǵdaılar kózdelgen.
«Aqtyq konserttiń bıletterin satýdan túsken qarajattyń bári qalalyq mádenıet úıi balalar ujymynyń materıaldyq-tehnıkalyq bazasyn jańartýǵa jumsalady», - dep túsindirdi Aqtóbe ákiminiń orynbasary Aıgúl Amanqazyqyzy.
Eske sala keteıik, «Baqytty bala» festıvali Dımash Qudaıbergenniń jáne onyń «DımashAlı» prodıýserlik ortalyǵynyń jetekshilik etýimen uıymdastyrylýda. Álem tyńdarmandarynyń juldyzy ári erkesi qatysýshylardyń sapasy men joǵary kásibıliginiń kepili retinde konkýrstyń barlyq kezeńine jeke ózi qatysýda.
Elimizde teńdesi joq jobaǵa Qazaqstan, Reseı, О́zbekstan, Ýkraına, Gresııa memleketteriniń tanymal ókilderi atsalysady. Halyqaralyq deńgeıdegi ártister festıvaldiń qazylar alqasynyń quramyna Dımash Qudaıbergen, Danelııa Tóleshova, Djordan Arakelıan, Vlad Sytnık, Jeńis Ysqaqova, Svetlana jáne Qanat Aıtbaevtar kiredi.