Kerýen Aqparat jáne qoǵamdyq damý mınıstrliginiń «Etnomádenı birlestikterdiń belsendi qatysýymen jastar arasynda áleýmettik birlik mádenıetin damytý» áleýmettik jobasynyń sheńberinde «Azamattyq bastamalardy qoldaý ortalyǵy» UAQ grantyn iske asyrý maqsatynda ótýde.
Elimizdiń belsendi jastaryn biriktirýdi kózdegen kerýen «Rýhanı jańǵyrý» baǵdarlamasynyń negizgi erejelerin túsindiredi. Áleýmettik jobalar zerthanasy – «áleýmettik lıftter» platformasyn, bilim berýdegi ınnovasııany damytý, «Qazaqstandyq jastardyń básekege qabilettiligin arttyrý» bıznes-ınkýbatory. Moderator-bapkerler retinde etnomádenı birlestikterdiń ókilderi, mádenıet qaıratkerleri tartylyp otyr. Sondaı-aq spıkerlerdiń qatarynda bilim berý, mádenıet, tarıh jáne bıznes salasyndaǵy qaıratkerler men sarapshylar da bar. Olar óz baıandamalarynda «Rýhanı jańǵyrý» baǵdarlamasynyń negizgi mindetteriniń 5 blogyna, atap aıtqanda Qazaqstan tarıhy, mádenıeti, ekologııa, bilim berý men taǵy basqa salalarǵa erekshe nazar aýdarady. Qazaqstan Halqy Assambleıasynyń janyndaǵy «Jarasym» Respýblıkalyq jastar uıymynyń tóraǵasy Tımýr Jumyrbaev qoǵamdaǵy beıbitshilik pen kelisimniń mańyzdylyǵyn erekshe atap ótti.
Kerýen aǵymdaǵy jyldyń 10 shildesinen bastalyp, Qazaqstannyń 17 qalasyn aralap, qarasha aıynda aıaqtalady. Aqmola oblysynda túndigi túrilgennen keıin kerýen sarapshylarynyń delegasııasy SQO, odan ári elimizdegi monoqalalar men aýdandardy aralaıdy.