Aımaq basshysy aldymen «Toǵyz» aýyldyq okrýgindegi 120 orynǵa arnalǵan №7 jalpy orta bilim beretin mektebiniń ashylý sharasyna qatysty. Qurylys jumysy 2018 jyldyń mamyr aıynda bastalǵan bolatyn. Oblys ákimi mektep ishin aralap, balalarǵa jasalǵan jaǵdaımen tanysty.
Sonymen qatar, Shalqar qalasyndaǵy M.Shymanuly aýylynda 60 oryndyq Saryqamys negizgi orta mektebi de el ıgiligine berildi. Qurylysy 2017 jyly bastalǵan bilim oshaǵy jańa oqý jylyna saqadaı saı.zaman talabyna saı,sońǵy úlgide salynǵan mektepte sport zaly, ashana, kitaphanasy bar. Oblys ákimi atalǵan eki mekteptiń ashylýyna oraı, qajetti quraldar alýǵa qomaqty qarjylaı syılyq tabys etti.
«Memleket basshysy Qasym-Jomart Toqaev óziniń árbir tapsyrmasynda bilim salasyna erekshe kóńil bólýde. Jastardyń bilim alý múmkindigin álemdik ozyq deńgeıge teńestirý úshin bar múmkindikti jasaımyz»,-dep atap ótti Ońdasyn Orazalın.
Aıshýaq aýyldyq okrýgi, Begimbet aýylynan jańadan aýyldyq mádenıet úıi ashyldy.120 orynǵa arnalǵan nysannyń qurylysy ótken jyly bastalǵan bolatyn. Mádenı oshaq jergilikti turǵyndardyń ulttyq ónermen sýsyndaýyna, talantty jastardyń talabyn shyńdaýǵa múmkindik bermek.
«Halqymyzdyń qaıtalanbas ozyq mádenıetin zamanaýı úlgide qaıta túletý úshin biz mádenıetimizdi, mádenıet oshaqtaryn damytý jumystaryn qolǵa alýymyz kerek, bolashaqta álemdi aýzyna qaratar naǵyz has talanttar osyndaı ortalardan shyǵaryna senimim mol»,-dedi óńir basshysy.
Oblys ákiminiń jumys sapary «Nuraly» sharýa qojalyǵynyń jumysyn kórýmen jalǵasty. Sharýa qojalyq qazirde 460 bas iri qara, 820 bas qoı ósirýmen aınalysyp otyr.
Bıyl memlekettik «Sybaǵa» baǵdarlamasy aıasynda 60,0 mln.teńge nesıe alyp, RF-nan 105 bas aberdın-angýs tuqymdy analyq bas alyp kelgen. Sondaı-aq, munda 5000 basqa deıingi mal bordaqylaýǵa arnalǵan keshen salynyp jatyr. Investısııa kólemi – 300,0 mln. teńgeni quraıtyn keshenniń qurylysy bıyl aıatalmaq.О́tken jyly mal soıý jáne et óńdeý sehy iske qosylǵan. Investısııa kólemi – 147,0 mln. teńge bolatyn kásiporyn jylyna 1000 tonna sıyr etin, 400 tonna qoı etin óndiredi.
Jumys sapary sońynda aımaq basshysy, aýdan ákimi Baýyrjan Qanıevke aýdannyń áleýmettik- ekonomıkalyq jaǵdaıyn damytýdy, qosymsha jumys kózderin ashyp, memlekettik baǵdarlamalar arqyly shaǵyn jáne orta kásipkerlikti damytyp, ınvestısııa tartýdy tapsyrdy.