Kezdesý barysynda aımaq basshysyna basqarma tóraǵasy S.Sársenov «Qazposhta» AQ tarapynan atqarylyp jatqan jumystarǵa toqtalyp, birqatar jobany tanystyryp ótti. Sonymen qatar basqarma tóraǵasy sıfrlandyrý salasy boıynsha Aqtóbe oblysynyń Respýblıka kóleminde kóshbasynda turǵanyn atap ótti.
Atap ótsek, aldaǵy ýaqytta «Qazposhta» tarapynan sıfrlandyrý salasynda qyzmet alý, Aqtóbe qalasynyń turǵyndaryna arnalǵan biryńǵaı áleýmettik kartany iske qosý, KSK jumysyn avtomattandyrý, elektrondyq saýda júrgizý jobalary jandandyrylady.
- Qazirgi tańda oblys kóleminde «Qazposhta» qyzmetiniń jaqsy jolǵa qoıylǵanyn baıqap otyrmyn. О́zim de issapar barysynda kórip-bilip júrmin. Shalǵaı aýyldardaǵy turǵyndardyń kóptegen áleýmettik problemasy, kúndelikti turmystyq baǵyttaǵy jumystary osy kompanııamen sheshilip otyrǵany qýantady. Turǵyndardyń basym kópshiligi «Qazposhtanyń» jumysyn jaqsy paıdalanyp otyr. Aldaǵy ýaqytta ekijaqty áriptestikti odan ári nyǵaıtyp, birlesip jumys isteıtin bolamyz», - dedi aımaq basshysy.
Jıyn sońynda oblys ákimi O.Orazalın «Qazposhta» basshylyǵynyń usynystaryna tolyqtaı qoldaý kórsetiletinin aıtyp, qala ákimi Mavr Abdýllınge jáne tıisti mekemelerdiń basshylaryna naqty tapsyrmalar berdi.