Aqmola, Almaty, Jambyl, Túrkistan, Qyzylorda, Mańǵystaý, Atyraý, Shyǵys Qazaqstan, Qaraǵandy, Qostanaı jáne Soltústik Qazaqstan oblystarynyń keı jerlerinde ystyq bolady. Qyzylorda, Qaraǵandy oblystarynda qatty ystyq bolady dep boljanady.
Respýblıkanyń basym bóligine antısıklon áser etedi, aýa raıy jaýyn-shashynsyz bolady. Tek Qazaqstannyń ońtústik-batysynda, soltústik-batysy men shyǵysynda atmosferalyq fronttar ótedi, osyǵan baılanysty keı jerlerde naızaǵaı oınap, jel kúsheıip, burshaq, daýyl turady. Qyzylorda, Túrkistan, Almaty, Aqtóbe, Qaraǵandy, Shyǵys Qazaqstan, Jambyl oblystarynda tótenshe órt qaýpi saqtalady. Atyraý, Batys Qazaqstan, Aqtóbe oblystarynyń keı jerlerinde naızaǵaı, daýyl, jeldiń kúsheıýi sekýndyna 15-20 metr, Atyraý, Batys Qazaqstan oblystarynyń keı jerlerinde burshaq jaýýy múmkin.
Shyǵys Qazaqstan oblysynyń keı jerlerinde naızaǵaı oınap, sekýndyna 15-20 metr jel kúsheıedi, kúndiz burshaq jaýýy múmkin. Mańǵystaý oblysynda túnde keı jerlerde kún kúrkireıdi, kúndiz keı jerlerde jel sekýndyna 15-20 metrge deıin kúsheıedi. Jambyl, Qaraǵandy, kúndiz Qyzylorda, Qostanaı, Pavlodar oblystarynyń keı jerlerinde jel sekýndyna 15-20 metrge kúsheıedi.