«2019 jyldyń I jartyjyldyǵynyń qorytyndysy boıynsha, Qormen kelisimshart jasaǵan qaladaǵy medısınalyq qyzmet kórsetýshi uıymdarǵa 50,4 mlrd teńge tólendi. Bul jalpy kepildendirilgen medısınalyq kómek paketi sheńberinde bekitilgen kelisimshart somasynyń 52,5 paıyzyn quraıdy», - deıdi MSQ Nur-Sultan qalasy boıynsha fılıalynyń dırektory Nurlybek Qabdyqaparov.
2019 jyly MSQ kepildendirilgen kómek túrlerin kórsetýge usynys bergen medısına uıymdarymen jasalǵan kelisimsharttardyń jalpy somasy 96 mlrd teńgeni quraıdy.
Fılıal basshysynyń aıtýynsha, jumys kestege saı júrip jatyr, bólingen qarajat medısına mekemeleriniń operasııalyq shyǵyndaryn óteýge jetkilikti.
Bıylǵy jyly memlekettik tapsyrys aıasynda elordalyqtarǵa 95 medısınalyq uıym qyzmet kórsetýde. Olardyń ishinde 60 jekemenshik klınıka da bar. 2018 jylmen salystyrǵanda, bıyl jekemenshik klınıkalar sany 12-ge artyp otyr.
Esterińizge sala ketsek, Medısınalyq saqtandyrý qory 2018 jyldan bastap tegin medısınalyq kómektiń kepildik berilgen kólemi (TMKKK) jáne mindetti áleýmettik medısınalyq saqtandyrý (MÁMS) paketteri boıynsha úkimet belgilegen sheńberde turǵyndar úshin qyzmetterdi satyp alýshy qarjy operatory bolyp tabylady. Iаǵnı, halyqqa kórsetiletin medısınalyq qyzmet sapasy – Qor baqylaýynda.